Popular Bible Verses from MATAIO 11

Share

Kuga umai punusi au, tea maga mamau puti waina ku do p̃osiwosi‐mawosa po do dapetape tea madaga, go aga wo dua mu namaromaroana.

Kuga tape dakati nakau ni nanoa aginau ega toko mu, go kuga ataedogo kiagu; nalakena a matemate go nap̃op̃ogu e pakitano: go kuga wo magi naatamu pap̃ai namaromaroana.

Nalakena nakau ni nanoa aginau e manainai, go natapetapeana aginau e masalesale.

Naleo maga mamau puti eu pei tea vituakiana paki nau pae Tamagu: go te naata sikai e da atae m̃ata ki Natuna mau, ma Tamagu e sikina atae m̃ata ki nia; go te naata sikai e da atae m̃ata ki Tamagu mau, ma Natuna sikina e atae m̃ata ki nia, go naata waina Natuna e pe suasua naga ega maneana maripakasa ki nia.

Go Yesu e pasadara po noa ki da, e naga, Kuga vano po dogorogo paki Yoane ki tea maga waina ku dogo ra po punusi ra: tea kesa maga eu moro leosai, go tea vei pito maga eu surata, go tea vei lepero maga eu pei tea mariana eu dautau, go tea p̃aro maga eu dorogo, go tea mate maga eu pei tea sikeana eu duleana, go tea tika maga narogorogoana wia e pei tea rogorogokiana paki da.

Tea waina e pilake nadaliga naga ega rogo, ega rogo.