Popular Bible Verses from MATAIO 10

Share

Kuga leo, kinau a dip̃aki lua mu ku dapala shiip m̃aleoputo ni wulf maga: nalakena tea wanogoe kuga vei manumatua dapala m̃aata maga, go tea ta marisaki mau dapala tokopea maga.

Tea waina e pap̃ai namauriana aneana ega wo dape puoli ki nia; go tea waina e dape puoli ki namauriana aneana nalakena kinau ega wo pap̃ai a.

Go kuga ta matau ki tea maga waina eu mari punue nap̃atoko ni naatam̃oli, ma eu mari sa mari punue naatada: ma kuga matau ki p̃arua ki tea waina e mariatae mari punue naatada go nap̃atokoda p̃okasi.

Go naata waina e da dape tea valadagoto aneana mau po da dausi au mau, e da p̃ia ki nau mau.

Nalakena tea wanogoe sara naata waina euga wo noasai au narae ni naatam̃oli, kinau ma aga wo noasai naata wanogoe narae ni Tamagu waina e doko nakoroatelagi. Ma naata waina e pe wo pasagoro au narae ni naatam̃oli, kinau ma aga wo pasagoro naata wanogoe narae ni Tamagu waina e doko nakoroatelagi.

Kuga mari pauri tea sasana maga, kuga mari tea mate maga euga tuleana, kuga mari tea vei lepero maga euga tautau, kuga mari dimon maga euga tave pano: ku dape m̃oli, kuga vitua m̃oli.

Nalakena tea wanogoe kuga ta mataku mau; nimu ku p̃ia liu sparro laapa.

Kuga ta midoaki nia mau naga a umai naga aga dip̃aki natam̃ateana paki maramana: a da umai naga aga dip̃aki natam̃ateana mau, ma a umai naga aga dip̃aki lova sikai.