Popular Bible Verses from MATAIO 12

Share

Go a noa ki mu, naga sara navasaana p̃alo waina naatam̃oli maga euga wo pasa ara, euga wo atusi ra naaleatia ni navasap̃otaeana. Nalakena ki navasaana anigo maga p̃a wo pei tea marileanakiana, go ki navasaana anigo maga p̃a wo pei tea tip̃akotoviana.

M̃aata sa natuda maga, ku mariatae pasa tea wia maga dapale sava ragi waina ku sa? Nalakena nawoka ni naatam̃oli e pasa pae tea waina nap̃op̃ona e pura ki nia.

Naatam̃oli wia e dapelua tea wia maga pae store wia aneana: go naatam̃oli sa e dapelua tea sa maga pae store sa aneana.

Nalakena tea wanogoe a noa ki mu, naga Sara namarinaleosaana go sara navasasakiana euga wo magi naatam̃oli maga pei tea midoakikorokoroana; ma navasasakiana dip̃a Naatana ega wo da pei tea midoakikorokoroana mau.

Kuga mari nakau ega wia, go nawana ega wia; kite kuga mari nakau ega sa, go nawana ega sa: nalakena nakau e pei tea ataeana ki nawana.