Popular Bible Verses from PAKI HEBERU MAGA 12

Share

Nalakena tea wanogoe nigida ma, waina tu pei tea talivirigoroana ki napopouru warua dapala nogoe ni tea noasokisoki maga, tuga toropusi sara naleo madaga, go namarinaleosaana waina e du dalivirigoro gida, go tuga sava pae nasokiana nasavapileleana waina e pei tea toropusiana kivea ki gida, doko do leopunusi Yesu, tea maraki ni nasaralomauana anigida go tea mari sua e, waina nalakena nalaelaeaana waina e pei tea toropusiana kivea ki nia e soki nakau valadagoto, doko midoakip̃alo ki namaliereana kakana, go e po dasake pisari taleva ni matua ni malo tasake ki Sup̃e.

Sara navaratipiseikiana ragi waina eu doko eu da pei tea ni nalaelaeaana mau, ma eu pei tea ni nasusueana: ma ragi edaku eu magi tea maga waina eu pei tea mari‐mau‐ana pae ara pitua ki nawa tam̃ate ni namarinaleoleanaana.

Kuga sava dausi natam̃ateana sikoti tea maga mamau puti, go namaridautaukiana waina masale ki nia te naata sikai ega wo da punusi Yehovah mau

Nalakena kuga midoakiusiusi tea waina e soki navasadugoroana dapala nogoe pae tea mari naleo sa maga dip̃a ra, naga kuga ta mawosa mau, doko da do dodosua ki naatamu mau.

Nalakena tea wanogoe, waina tu do dape namarakiana sikai waina e mari sa pei tea varivariakiana, tuga veani nasaup̃iaana waina tuga magi Sup̃e suasua pae asa ega tapala waina ega midoa ki m̃ata ki nia ega vilake natape‐p̃ia‐ana go namatakuana

Ku soki raki navaratipiseikiana; Sup̃e e mari paki mu dapala ku pei natuna maga; nalakena seve natuna e doko waina tamana e da parati piseiki nia mau?

nalakena Sup̃e anigida e pei nakapu ganikani sikai.

Nalakena nara eu parati piseiki gida naaleatia visa maau dapala waina eu midoa ki m̃ata ki nia; ma nae raki namarim̃ataki‐gida‐ana, naga tuga veanip̃otae natautauana aneana.

Ku ko da lawodugoro pa pa paki nada mau, doko do maripilele dip̃a namarinaleosaana