Popular Bible Verses from PAKI HEBERU MAGA 11

Share

Go nasaralomauana e pei navavatuana ni tea leogoroana maga, go namidoakip̃aiana ni naleo maga waina eu ko da pei tea vunusiana mau. Nalakena doko tea wanogoe tea matua maga eu pei tea noasokisokiana asa.

go masale ki nasaralomauana e da pei tea mariataeana mau naga tuga vei tea midoakim̃atakiana aneana: nalakena e one tea waina e umai punusi Sup̃e one naga ega saralomau naga e doko, go naga e pei tea moripituadip̃a tea maga waina eu laaga parati ki nia.

Ki nasaralomauana tu midoaki atae naga maramana maga eu pei tea maridawonakiana ki navasaana ki Sup̃e, dapala tea waina e pei tea vunusiana e da pei tea mariana m̃elu naleo maga waina eu doko lina mau.

Ki nasaralomauana Abraham, ragi waina e pei tea sosoana, e dogo paratiki naga ega m̃elu pano paki tokora sikai waina ega edaku dape a naga ega vei tea veaniana sikai; go e m̃elu pano, po da atae tokora waina ega vaki asa pano mau. Ki nasaralomauana e paki navanua ni nasaiana po atatoko asa, dapala e da pei aneana mau, e do doko tap̃aup̃au maga, sikoti Isaak go Yakob, waina ero peani sikoti a nasaiana wanogoe sikai maau

Ki nasaralomauana Noah ragi waina e pei tea noakisaiana pae Sup̃e nalo ni naleo maga waina eu ko da pei tea vunusiana mau, e mataku, po mari areka sikai raki namautipauriana ni nasum̃a aneana; pae tea wanogoe e dip̃akotovi maramana, po pei tea mariana e pei tea veani namarinaleoleanaana waina e pae nasaralomauana.

Ki nasaralomauana Enok e pei tea lawokidoaana naga ega ta punusi namateana mau; go e da pei tea vap̃aiana mau, nalakena Sup̃e e lawokidoa e: nalakena pea ki nalawokidoa‐e‐ana e pei tea noasokisokiana naga e pei tea midoakim̃atakiana ki Sup̃e

Ki nasaralomauana Abel e pitua ki paki Sup̃e naviriana sikai waina e p̃ia liu agi Kain, waina e pei tea noa‐sokisokiana pae asa naga e leana, Sup̃e e do noa sokisoki nalo ni navituaana aneana maga: go pae asa tea waina e mate e ko do pasa.

Ki nasaralomauana Sarah nae ma e peani nakasuaana naga ega tumau ki pipia ragi waina e matua liu ragi kakana, nalakena e midoaki nia naga tea waina e sai a e pei lomau

nalakena e leogoro natokoana waina e peani laketano maga, waina Sup̃e e pei mataisau kakana go tea tavagi a.

Ki nasaralomauana Moses, ragi waina e p̃arua sua, e karai naga ega vei tea sosoana ki natu ni Faraoh natuna nagoroi; doko matadoa naga ega vei tea marisakiana sikoti narei ki Sup̃e, liu naga ega veani namaroana ni namarinaleosaana pae te ragi; doko do midoaki nia naga navasapinoaki‐Kristo‐ana e pei nasogolapaana warua liu naloriki tauakiana maga ni Ityipt: nalakena e leo paki namoripituadip̃aana. Ki nasaralomauana e doropusi Ityipt e madoko doko da matauki namaritausuana ki nawota mau: nalakena e mari kasua doko, dapala e do punusi tea waina e da pei tea vunusiana mau.

Ki nasaralomauana Abraham, ragi waina e pei tea maridogoana, e pitua ki Isaak e pei naviriana: go tea waina e dape soki nasaiana maga e pitua ki natuna sikedau e pei naviriana

Ki nasaralomauana Rahab, nagoroi masausara, e da mate mau sikoti tea maga waina eu dogopiri, e piragi tea leo pavaraka maga pilake natam̃ateana.

Ki nasaralomauana eu surata duagoto Natasi Miala dapala eu pae navanua garagara; waina tea ni Ityipt maga ragi waina eu maridogo naga euga mari a eu pei tea tinomiana.

Ki nasaralomauana nakoro maga ni Yeriko eu dowo pakitano, ragi waina eu pei tea talivirikiana sua naaleatia larua.

Ki nasaralomauana e mari navakalauana go nameseuraki‐nada‐ana, naga tea mari sa ki takalapa maga ega ta kisidogo ra mau.

Ki nasaralomauana Yosef, ragi waina e pei m̃aladigi naga ega mate, e midoakinoa nalo ni nam̃eluana ki Israel natuna maga; go e pitip̃aki nalo ni navatuna maga.

Ki nasaralomauana Yakob, ragi waina e naga ega mate, e pasa p̃ia ki sikasikai ki Yosef natuna dua; po lotu, e kolovagoro nap̃au ni tiko aneana.

Ki nasaralomauana Isaak e pasa p̃ia ki Yakob go Esau, nalo ni naleo maga waina euga wo umai.