Popular Bible Verses from PAKI TEA NI KOLOSSE 3

Share

po do dum̃amu manimu midoakikorokoro, te naata e pe veani te nalakena ni navasadip̃aana dip̃a te naata; dakiusi waina Nawota e manimu midoakikorokoro, nimu ma kuga mari ega tapala nogoe

Kuga midoaki naleo maga ni elagi, kuga ta midoaki naleo maga waina eu doko maramana mau.

tea waina ku pe mari a, kuga wosiwosi pae naatamu, ega tapala ku pe magi Nawota mari a, po da magi naatam̃oli maga mari a mau

Nalakena tea wanogoe kuga suni dapala tea matadoaana maga ki Sup̃e, tea tautau maga go tea dodomiana maga, kuga suni namarita ni nadodomiana, navakaleana, nap̃op̃ovakitanoana, namatemateana, naveimaritasoki‐parau‐ana; doko do dum̃amu soki mu

Navasaana ki Kristo ega toko mu doko ega vae nasogolapaana ega vilake sara namanumatuaana; doko do dum̃amu pasa piseiki mu po do dum̃amu dapavanau mu ki salamo maga ki humno maga ki nalegaana maga ki Naatana, doko do lega ki nasaup̃iaana doko nap̃op̃omu paki Sup̃e. Go sara naleo waina ku pe mari ra, nalo ni navasaana kite nalo ni nawosiana, kuga to mari naleo maga mamau puti doko nagisa ni Nawota Yesu, doko do pasadodom̃ataki Sup̃e Tamana pae asa.

go kuga suni nadodomiana ega tap̃augoro tea maga mamau puti wanogoe, waina e pei natali ni nawialuaana.

Nalakena tea wanogoe ku pe vei tea sikeana duleana sikoti Kristo, kuga laaga naleo maga ni elagi, tokora waina Kristo e doko asa, waina e dasake pisari nam̃elearu ni matua ni Sup̃e.

Go natam̃ateana ki Kristo ega to maraki p̃otae doko nap̃op̃omu, waina ku pei tea sosoana paki asa doko nap̃atoko sikai maau; go kuga vei tea dodom̃ataki.

Nalakena tea wanogoe kuga mari punue naleo kakamu maga waina eu doko maramana; namaripeleana, naloaana, namasausauana, namasauana sa, go namatam̃aguraana, waina e pei nalotu‐ki‐nasup̃e‐ana

Nalakena ku mate, go namauriana animu e pei tea tasurukiana sikoti Kristo doko Sup̃e.

Ma ragi waia nimu ma kuga toropusi tea maga mamau puti waia, namaetoana, namaritausuana, navilosiana, navasasakiana, navasaana ni namaliereana euga ta m̃elu nawokamu mau

kuga ta sorosoro dum̃amu paki mu mau; nalakena ku sawo lua sua naatam̃oli tuai go namariana aneana maga, po suni sua naatam̃oli vau, waina e do pei tea maripaukiana paki naataem̃atakiana pae nunu ni tea waina e dawona ki nia

Naanoai maga, kuga dodomi nagoroi animu maga, go kuga ta pei tea kokona dip̃a ra mau.

Piakirikiri kuga rogo paratiki nadaleo ni tea matua animu maga nalo ni naleo maga mamau puti, nalakena tea wanogoe e pei tea midoakim̃atakiana doko Nawota.

Nagoroi maga, kuga toko etano paki naanoai animu maga, ega tapala waina e patakamu doko Nawota.