Popular Bible Verses from Luùm 3

Share

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ. Wo Dayà naŋ tɔ̀ɔ̀ e tɛ̀ɛ̀tɛ̀ɛ̀uŋ nɛ̀ koɓɛ̀ anyùùŋ nyaŋ gbiŋ, yèè esàɓù Jisɛ̀ Kulaìɛ sùà, wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ yèè wò naŋ wi jùùyè hakɛ̀ wèè maŋ jùumù wi màŋ.

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Wɔŋ fɛ̀ì Dayàa naŋ woò wààŋ, “Wo nyùùŋ tɔ̀ɔ̀nyaàŋ gbiŋ fè, e fè wò yèɔ kuwa jiikɛ̀ɛ miŋ dò nàŋ sɔ̀ wo yèɔ zoolà Dayà wɔ. Aŋ gbiŋ àŋ fè wo Dayà jɛwɛ. Aŋ gbiŋ àŋ nyɛ̀nɛ̀ŋ maŋ tùwo naanààŋ. Wo nyùùŋ guùŋ pɛɛ fè wò yèɔ nyɛnɛŋ è keì sìàŋ wɔ, e pɛɛ nɔ̀ŋ wò guùŋ.

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”