Popular Bible Verses from Abalōma 3

Share

Kunōngwa jakuti bōsa batulịle īnōngwa bāgị̄lwe ukufịkapo pa bụkulūmba bwa Kyala, bịkujobịgwa ubugolofụ mwịpyana lyake ili bapēgị̄gwe ukuja kyabupe kunjila ja bupokị ubu buli mwa Kilisịtị Jesụ

Kyala ịkubapa ubugolofụ abāndu ndwịtiko lwabo lwakummwịtikila Jesụ Kilisịtị. Ịkubōmba sịsịsị kuli bōsa aba bịkummwịtika Kilisịtị, papo sịkajapo nasịmo isị bakīndēne.

uju Kyala ālimmbikịle ukuja lumanyānịo kunjila ja lwịtiko mwịlopa lyake. Isị, syali syakunāngisya ubugolofụ bwa Kyala, namanga mbufịsalyojo bwake ubwịkemo āsịswị̄le īmbị̄bị īndasị. Sịsịsị syalisyakunāngisya ubwanalolị bwake nkabalilo aka ukuti umwene nngolofụ nukuti ịkunngolokesya uju ịkummwịtika Jesụ.

Buno akajako najumo umụ̄ndu uju sịsakunnogelega nkyenị mmyake ukukōngana nimbōmbo sya lulagilo; namanga ubutulanōngwa bụkumanyilịgwa ndulagilo.

bo apa sịsị̄mbị̄gwe mwakalata ukuti: Akajako najumo unngolofụ, najumojwene; Akajako najumo uju asyagēnịe; Najumo uju ịkunndōnda kyala. Bōsa basobịle, bōsa pamopēne balabị̄le kubutulanōngwa; akajako najumo ummbōmba nụnụ, najumo najumojwene.

Namanga tukwaga ukuti umụ̄ndu ịkujobelịgwa ubugolofụ nndwịtiko, momma mụmbōmmbo sya lulagilo.

Nakamo napanāndi! Kyala gwanalōlị na papo linga abāndu bōsa bājaga batūngulu, bo apa sịsị̄mbị̄gwe ukuti: ugwe sịkunogelege mmasyu gāko, bo ulipakulongịgwa.