Popular Bible Verses from Abalōma 2

Share

Gwe mụ̄ndu kwịnogona ukuti bo kubalōnga aba bịkubōmba sịsịsị, bo kangi kusịbōmba jujugwe, kwịsakuponaga ukulōngịgwa na Kyala? Pamo kubusyokela ubwịngị bwa bōlōlo bwake nubufịsalyojo nubufị̄ndang'oma bwake? Usyagēnịe ukuti ubōlōlo bwa Kyala bubīkị̄gwe ukuja bwa kukutalukisya kulupīnduko.

Fyobene gwe mụndu utịsakuhobokelịgwaga bo kunndōnga ujūngi, papo bo kutụmụla īnōngwa jake kwịlōnga gwịmwene, namanga ugwe gwe kulōnga īnōngwa, kubōmba sịsyo kubalōnga abāngi kangi.

Namanga Kyala atịkusalila mbunụnụ kumāso.

Buno bakaja bo bapilikị ịtolo ba lulagilo aba bịkuja bagolofụ nkyenị mwa Kyala, lolị aba bịkulubōmba ululagilo bo aba sịsakubanogelaga.

Namanga ịsakumpaga umụ̄ndu gwesa ifị fịfwene ni mbōmbo syake

lolị abapasyulị aba batịkukōnga isyanalōlị, lolị bịkukōnga īnyalị, bo bịsakwambililaga īngalalisị ni ngịmbuko.

Lolị kubukafụ bwa ndụmbụla jako isịta lupīnduko, kwịlụ̄ndikila gwịmwene īngalalisị sya pị̄sịku lya ngalalisị bo ubulōngị bwa Kyala ubugolofụ bukị̄ngulị̄gwe.