Popular Bible Verses from Kolɔsainima 1

Share

Ŋuna n-fa ti zibisim yiko ni bahi, ka zaŋ ti ni alaafee nti kpɛhi o Biyurigu la nam ni.

Dama o kɔbili ni ka Naawuni daa nam binshɛɣukam din be alizanda ni mini din be dunia ŋɔ ni: Ninsal’ nini ni ni tooi nya binshɛŋa mini ninsal’ nini ni ku tooi nya binshɛŋa zaŋ tabili alizinnim’ bɛn be sagbana tiŋli ŋɔ na mini bɛn nyɛ duumanima ni zuɣulaannima ni bɛn su fukumsi. O kɔbili ni ka Naawuni daa nam binshɛɣukam, ka mi daa nam li la o zuɣu.

O daa be ka binshɛɣukam na kani, ka binshɛɣukam tuɣ’ taba la o ni.

Ninsal’ nini ni ni tooi nya Masia so la nyɛla Naawuni so ninsal’ nini ni ku tooi nya ŋɔ ŋmahinli, ka lan nyɛ Naawuni Bikpɛm’ ŋun gari binnamda zaa.

Daliri ŋɔ zuɣu ti ni daa wum yi yɛla hal ni pɔŋɔ, ti kul suhirila Naawuni tiri ya sahakam. Ti suhiri Naawuni ni o chɛ ka yi baŋ o yubu ni nyɛ shɛm zaa, ka pahi ya yɛm mini baŋsim zaa din nyɛ Naawuni Shia Kasi ni tiri ya shɛl’ la, ka chɛ ka yi biɛhigu be kaman ti Duuma ni bɔri ni yi be shɛm, ka kul tumdi din tiɣir’ o nini. Ka lan chɛ ka yi bebu ni tooi mali wala kaman tia la tuun’ suŋ balibu kam ni, ka yi kul ni zoori pahiri Naawuni baŋbu puuni.