Popular Bible Verses from 1 Jɔn 3

Share

M bihi, di bi simdi ni ti yurilim nyɛla yɛtɔɣa bee ti ni yɛri shɛm kɔŋko, amaa di simdi ni di nyɛla yurilim maŋli di tuma puuni.

Masia ni daa zaŋ o nyɛvili pa talima ti zuɣu la puuni ka ti baŋ yurilim ni nyɛ shɛli, ka di simdi ni ti gba zaŋ ti nyɛviya pa talima ti mabihi zuɣu.

Nyamiya ti Ba Naawuni ni yu ti yurilim shɛli, ka di zuɣu chɛ ka o bol’ ti ŋun’ Naawuni bihi; ka lala n-shiri nyɛ ti. Dimbɔŋɔ zuɣu ka dunia ŋɔ nim’ bi mi ti, ka di nyɛla bɛ ni bi mi o la zuɣu.

Ka ŋunkam kul tumd’ alahichi nyɛla Sintani nira, dama piligu ni ha ka Sintani pun tumd’ alahichi. Ka daliri din chɛ ka Naawuni Bia daa kana nyɛla ni o ti saɣim Sintani tuma.

Ŋunkam nyɛ Naawuni bia bi tumd’ alahichi, Naawuni biɛhigu ni be o ni ka o nyɛ Naawuni bia maa zuɣu ka o ku tooi tum alahichi.

So yi mali dunia ŋɔ buni, ka nya o mabia ŋun simdi sɔŋbu ka yih’ o suhu o ni, wula ka Naawuni yurilim ni tooi be nira ŋ-ŋɔ tatabo ni?

Ka bɛnkam zaa dol’ o zaligunim’ maa be o ni, ka o mi be bɛ ni. O ni zaŋ o Shi’ so ti ti la n-chɛ ka ti baŋ ni o be ti ni.

Dimbɔŋɔ n-kahigiri wuhiri Naawuni bihi ni nyɛ shɛba, ka lan wuhiri Sintani gba bihi ni nyɛ shɛba: Ŋunkam bi tumdi din tuhi bee n-yur’ o mabia pala Naawuni bia.

Yi ni daa wum yɛtɔɣ’ shɛŋa piligu ni ha la nyɛla ni ti yum’ taba.

M mabihi, dunianim’ yi jɛn ya, yin’ di chɛliya ka di gari ya.