Popular Bible Verses from 1 Jɔn 2

Share

Di yuriya dunia ŋɔ bee binshɛŋa din be dunia ŋɔ ni. So yi yuri dunia ŋɔ, ti Ba Naawuni yurilim ka o ni. Dama binshɛɣukam din be dunia ŋɔ ni pala din yi ti Ba Naawuni sanna, amaa di nyɛla din yi dunia ŋɔ ni na. Dina n-nyɛ: Niŋgbuŋ kɔre mini nini kɔre ni barinyubo dunia ŋɔ biɛhigu zuɣu.

Ka dunia ŋɔ mini di kore nyɛla din garita, amaa ŋunkam tumdi Naawuni yubu kul ni be hal ni saha din ka bahigu.

Ka ŋun yɛli ni o be Naawuni ni, di niŋ kamaata ni o be kaman Masia ni daa be shɛm la.

M bihi, n sabirila dimbɔŋɔnim’ tiri ya ni di chɛ ka yi ku tum alahichi, amaa yi ni so yi tum alahichi, ti mali sandaantimda ŋun be ti Ba Naawuni sani: ŋuna n-nyɛ Yisa Masia ŋun nyɛ wuntialan’ la.

Ka ŋun yɛli ni o mi o ka bi dol’ o zaligunima, o ŋmarila ʒiri ka yɛlimaŋli ka o ni.

Ti yi dol’ o zaligunima, dina n-ni chɛ ka ti baŋ ni ti mi o.

Ka ŋunkam yihi yɛli ni o bela neesim ni ka je o mabia, o na kul bela zibisim ni.

Ŋuni n-lee nyɛ ʒirilana ka pa ni ŋun chihi ni Yisa pala Masia? Ninvuɣ’ so ŋun chihi ti Ba Naawuni min’ o Bia maa, dilana n-nyɛ Masiachihira.

Ŋunkam chihi Bia maa, o ka ti Ba Naawuni. Ka ŋunkam deei Bia maa mali ti Ba Naawuni gba.