Popular Bible Verses from 1 Jɔn 4

Share

Dabiɛm ka yurilim puuni, ka yurilim din niŋ dɛde nyɛla din yihiri dabiɛm bahira. Dama dabiɛm mini tibidarigibo n-dol’ taba; dinzuɣu ŋunkam zɔri dabiɛm, yurilim na bi niŋ dɛde o ni.

Amaa m bihi, yi nyɛla Naawuni niriba ka pun nyaŋ anab’ ʒirinim’ maa, dama Shi’ so ŋun be yi ni maa mali yiko gari shi’ so ŋun be dunianim’ ni.

Ti wuhiri ti yurilim ni nyɛ shɛm, Naawuni ni daŋ n-yu ti la zuɣu.

M biyurisi, chɛliya ka ti yuri taba, dama yurilim yirila Naawuni sanna; ka ŋunkam yur’ o mabia nyɛla Naawuni bia, ka mi Naawuni.

Ka ŋunkam bi yur’ o mabia pala ŋun mi Naawuni, dama Naawuni nyɛla yurilim.

Dimbɔŋɔ n-wuhiri yurilim ni nyɛ shɛli: Di pala tinima n-daa yuri Naawuni, amaa ŋuna n-daa yuri ti ka tim o Bia na ni o ti leei sara maligu din kpihindi ti daalahichi.

M biyurisi, Naawuni yi yuri ti ŋ-ŋɔ, dindina di simdi ni ti gba yuri taba.

Ŋ-ŋɔ ka Naawuni niŋ wuhi ni o yuri ti: O daa tim o Bi’ gaŋ’ na ni o ti chɛ ka ti nya nyɛvili o zuɣu.

Ka so yi yɛli ni o yuri Naawuni ka je o mabia, o nyɛla ʒirilana; dama ŋunkam bi yur’ o mabi’ so o nini ni nyari ku tooi yuri Naawuni ŋun nyɛ o ni bi nyari so la.

Ka ŋunkam kahigi yɛli ni Yisa nyɛla Naawuni Bia, Naawuni be o ni ka o gba be Naawuni ni.

Dimbɔŋɔ n-nyɛ zaligu shɛli Masia ni zali ti. Dina n-nyɛ: Ŋunkam yuri Naawuni, di simdi ni o yur’ o mabia gba.

M biyurisi, di niŋya ŋunkam yɛli ni o mali Naawuni Shia yɛda, amaa buɣisimiya ba nya bɛ ni mali shi’ so maa yila Naawuni sanna; dama anab’ ʒirinim’ pam yiɣisiya m-be dunia ŋɔ ni luɣ’ shɛlikam. Dimbɔŋɔ n-ni chɛ ka yi tooi baŋ shi’ so ŋun yi Naawuni sanna: Ŋunkam yɛli ni Yisa Masia daa leei ninsala n-ka dunia ŋɔ ni na n-nyɛ ŋum mali Shi’ so ŋun yi Naawuni sanna

amaa ŋunkam chihi dimbɔŋɔ zaŋ chaŋ Yisa polo pala ŋun mali Shi’ so ŋun yi Naawuni sanna. Ka shia ŋɔ nyɛla shi’ so ŋun yi Masiachihira sanna, ka yi mi pun wum ni o ni ti kana, ka hal o pun be dunia ŋɔ ni pumpɔŋɔ.