Popular Bible Verses from Aizaia 54

Share

Amaa bɛ ni mali bidibbin’ shɛlikam jɛndi ya ku tooi niŋ ya shɛli; ka yi ni tooi garigi ŋunkam zaŋ ya taali bɔhigu. Man’ Yawɛ ni zabi n daba zuɣu, ka ti ba nasara.

Man’ Yawɛ ŋun zɔr’ a nambɔɣu la yɛliya, “Zoya mini kunkuna ni vuui, amaa n yurilim din bi naari la ku vuui ka chɛ a; ka n suhudoo alikauli la gba ku vuug’ a sani.”

Di zɔri dabiɛm, a ku di vi, di chɛ ka a suhu zɔhira, a ku nya filiŋ. A ni tam a bipalitali saha vi yɛla, ka tam saha shɛli a ni daa nyɛ pakoli ka nya filiŋ shɛl’ la yɛla.

Dama ŋun nam a ni be a kaman paɣ’ yidan’ ni be o shɛm la. O yuli n-nyɛ, “Yawɛ ŋun nyɛ Tɔbbihi Naa.” Ŋuna n-nyɛ a tiligira ŋun nyɛ Izraɛl Naawuni ŋun be kasi la. O yuli n-lan nyɛ, dunia zaa Naawuni.

Yɛligim’ a suɣili. Di niŋ zinchili. Kpam’ a kpahi ka di kpɛma, ka voog’ a mihi ka di kpaŋ.

Man’ Yawɛ maŋmaŋ’ ni wuh’ a zuliya maa zaa, ka chɛ ka bɛ nyamma yɛligi pam.

Man’ Yawɛ ŋun nyɛ a tiligira la yɛliya, “N suhu n-daa yiɣisi pam saha biɛla puuni, ka n chɛ a bahi. Amaa n yurilim din bi naari la zuɣu, n ni zo a nambɔɣu.”

N daa zaɣis’ a la saha biɛla puuni, amaa n nambɔzɔbo din galisi pam puuni, n ni lan zaŋ a labisi n sanna.”

Nuhu ʒiɛman’ ni, n ni daa lo alikauli ni n ku chɛ ka kom lan di dunia la, lala ka n lo alikauli ni n ku lan chɛ ka n suhu yiɣisi bah’ a zuɣu, ka mi ku lan darig’ a tibili.

N ni zaŋ rubis me a pihi, ka zaŋ kuɣ’ shɛŋa din nyɛlisiri me a dunoya, ka zaŋ kuɣ’ viɛla m-mal’ a gooni.