Popular Bible Verses from Aizaia 55

Share

Dama Yawɛ yɛliya, “N tɛha pala yi tɛha, ka yi soya mi pala n soya.

Zuɣusaa mini tiŋgbani ni wɔɣ’ ni tab’ shɛm, lala ka n soya be di ko ka chɛ yi soya, ka n tɛha gba be di ko ka chɛ yi tɛha.

Bomiya Yawɛ saha shɛli yin’ ni nya o. Suhimiy’ o saha shɛli o ni miri ya.

Alahichinima chɛli bɛ daalahichi soli, ka ninvuɣ’ biɛri chɛ bɛ tɛhi’ biɛri, ka ka Yawɛ ŋun nyɛ ti Naawuni ŋɔ sanna ka o ti zo ba nambɔɣu, dama o ni chɛ bɛ taali zaa.

Heei! Kɔnyuri ni mali sokam, ŋun’ kam’ kom ŋɔ gbin’ na! Ka yinim’ bɛn mi ka liɣiri, kamiyana ti da bindirigu di! Kamiyana ti da wain mini bihim nyu ka di yɔnya shɛli!

Saa mini sakuɣa ni yiri zuɣusaa lurina, ka bi lan labiri zuɣusaa amaa ka mahigiri tiŋgbani n-chɛ ka bindira bimbira tɔri yirina n-zoori niŋdi bindira tiri bindiridiriba, ka niŋdi bimbira tiri bɛn biriti shɛm la, lala ka n yɛligu shɛli din yiri n nol’ ni na gba ku labi n sanna yoli. Di ni tum n ni lo ni di tum shɛli. Ka di nasara n ni tim li ni di ti tum shɛm puuni.

Yi ni ti yi n-chaŋ ni suhupiɛlli, ka ti lab’ kuli ni suhudoo. Zoya mini kunkuna ni ti yili yila ni suhupiɛlli, ka mɔɣu ni tihi mi ti kpahi di nuhi.

Luɣimiya yi tiba wum ka kanya n sanna. Wummiya n yɛligu, ka tiligi. N ni lɔn ya alikauli shɛli din ku yiɣisi, ka niŋ ya nirilim shɛli n ni daa lo alikauli ni n ni niŋ Dauda la.