Popular Bible Verses from Aizaia 53

Share

Amaa ti tuumbiɛri mini ti daalahichi zuɣu ka o daa nya dansi ni nahiŋgu maa. O ni daa nya tibidarigibo shɛli zuɣu n-chɛ ka nyaɣisim kpe ti mini Naawuni sunsuuni. O fiɛbbu dansi zuɣu n-chɛ ka ti nyari tibbu.

Ti zaa daa ŋmanila piɛri bɛn bɔrigi, ka sokam dol’ o suhuyubu soli. Ka Yawɛ daa zaŋ ti zaa daalahichi ʒil’ o.

Yɛlimaŋli, o daa deei ti dɔriti mini ti suhugarigu ʒi. Amaa ka ti daa tɛhi ni Naawuni n-darig’ o tibili ka ti o biɛrim maa.

Ti daa ʒiɛm’ o ka zaɣis’ o. O daa nyɛla ŋun mili suhugarigu mini wahala dibu. O daa ŋmanila niriba ni ŋmaligiri bɛ nina bahiri kpaŋ’ ka chɛ ninvuɣ’ so. Ti daa ʒiɛm’ o, ka bi lih’ o ka o nyɛ shɛli.

Bɛ daa muɣis’ o, ka nahim o, amaa ka o bi yaag’ o noli. Bɛ daa zaŋ o mi chaŋ kaman bɛ ni zaŋdi piɛbil’ chani kɔrigibu shee shɛm la bee kaman bɛ ni chɛri piɛɣu kɔbiri ka o fo shɛm la. O daa bi yaag’ o noli.

Amaa di daa nyɛla Yawɛ yubu ni o chɛ ka o nya dansi ni biɛrim. O daa chɛ ka o zaŋ o nyɛvili pa talima alahichi zuɣu, ka o ni ti nya o zuliya, ka mali nyɛvili wɔɣinli. Yawɛ ni lo nia shɛli ni niŋ pali o zuɣu.

Yawɛ daa chɛ ka o dabili zooi kaman bimbilin’ shɛli din jila ba tiŋa tiŋkuŋ ni. Ti ni daa nya o, o daa ka dariza bee viɛlim. Shɛli daa ka o niŋgbuŋ biɛhigu lihibu ni din ni chɛ ka ti bɔr’ o.

Dinzuɣu n ni ti o tarili wɔɣira puuni. O mini bɛn mali yaa ni ti laɣim pirigi bɛ ni ŋme n-di neen’ shɛŋa. Dama o daa saɣiya kpi, ka bɛ daa kal’ o pahi alahichinim’ ni. O daa ʒi niriba pam daalahichi, ka tim sandaani ti alahichinima.

O wahala dibu nyaaŋa, o ni ti nya o tuma nyɔri ka o nini tiɣi li. N dabili ŋun nyɛ wuntizɔra maa baŋsim zuɣu ni chɛ ka niriba pam yi taali ni. O ni deei bɛ daalahichi ʒi.

Bɛ daa kar’ o saria, ka mɔŋ o yɛlimaŋli, ka zaŋ o chaŋ ni bɛ ti ku o. Bɛ daa di o nyɛvili dunia ŋɔ ni. N niriba daalahichi zuɣu ka bɛ daa ku o.

Hal o ni daa bi tum tuumbiɛ’ shɛli, ka ʒiri daa ka o nol’ ni maa zaa yoli, bɛ daa gbi o gballi garila tuumbiɛrinim’ gbala ni; ka daa sɔɣ’ o pahi bundan’ zuɣu.