Popular Bible Verses from Aizaia 44

Share

N ni chɛ ka kom tɛli tiŋgbani din bɔri kom, ka chɛ ka kom zo n-tiɛli tiŋgbani din kuui. N ni zaŋ n shia niŋ a zuliya ni, ka niŋ alibarika niŋ a bihi ni.

Yawɛ ŋun nyɛ Izraɛl naa, ka lan nyɛ Tɔbbihi Naa ŋun nyɛ tiligira la yɛliya, “Mani n-nyɛ piligu, mani n-lan nyɛ bahigu. Naawuni so kani pahi n zuɣu.

Mani n-nyɛ yi tiligira; labimiya n sanna. Dama n vuui yi tuumbiɛri mini yi daalahichi bahi kaman sagbani bee paɣili ni vuuri shɛm la.”

Di chɛliya ka yi suhuri zɔhiri bee n-chɛ ka dabiɛm mali ya. N daa pun bi yɛli ya kurimbuni ha, ka wuhi li? Naawuni so kani pahi n zuɣu. N ʒi Naawuni so ŋun mali yiko pam yɛla yaha. Yinima n-nyɛ n shɛhiranima.”

Yawɛ ŋun nam ya ŋɔ yɛliya, Mani n-daa nam ya yi manim’ puya ni; n ni sɔŋ ya. N dabili Yaakubu zuliya, Jɛshurun ŋun nyɛ n ni pun pii so ŋɔ, di zɔriya dabiɛm.