Popular Bible Verses from Aizaia 45

Share

N ni zaŋ azichi shɛli din be zibisim ni mini ashili shee ti a. Ka di chɛ ka a baŋ ni man’ Yawɛ ŋun nyɛ Izraɛl Naawuni ŋɔ m-bol’ a yuli.

N ni be a tooni, ka dahim zoya ti a. N ni kabi daanya dunoya ti a, ka kabi dunoya ni kuriti ti a.

Mani n-nyɛ Yawɛ, ka Naawuni so kani pahi n zuɣu. Hal a ni bi mi ma maa zaa yoli, n ni ti a yaa. N niŋla lala ni di chɛ ka niriba bɛn be wulimpuhili mini wulinluhili polo baŋ ni so kani pahi n zuɣu. Mani n-nyɛ Yawɛ, ka so bi lan pahi n zuɣu.

Mani n-nam neesim mini zibisim, mani n-tahiri alibarika na, ka lan tahiri tɔbu na. Man’ Yawɛ n-niŋdi dimbɔŋɔnim’ zaa.

“Dunia ŋɔ daadamnim’ zaa, kamiya n sanna ka n tiligi ya! N kɔŋko n-nyɛ Naawuni ka so kani pahi n zuɣu.

Ka Yawɛ daa yɛli Sairus ŋun nyɛ o ni pii so la, N niŋ a yiko ni a tuhi nyaŋ zuliya kam, ka fa nanim’ yaa. N ni yooi dunoli kam ti a, ka bɛ ku kpari duno’ shɛli.

N ŋmaligi pola mmaŋa, n yɛligu nyɛla yɛlimaŋli; di bi taɣira. Sokam ni ti kana ti gbani n tooni, ka po pɔri ni bɛ ni ʒe ma yim.

Hal a ni kul bi mi ma ŋɔ zaa yoli, mani m-piig’ a ni a sɔŋ n daba Izraɛlnim’ bɛn nyɛ n ni pii shɛb’ la. Mani m-bol’ a yuli.