Popular Bible Verses from Èsea gbìgbɔ̀ hlɛ̃ 7

Share

Ekèa ŋutia, mìa nya be Tɔhonɔ̀, mìabe Mawu a ye nyi Mawu, Mawu kè nyi Mawu ŋutɔ-ŋutɔa. E lena yebe zòɖùɖua ku yebe ànùkuawɔ̀wɔ ɖotè na àmè kèwo lɔ̃ ɛ̀, eye wo le yebe èsewo ɖo àsia, kaka na jìjimè èkà èwìvɔàtɔ̃.

Ɖoa, mìawo ya, dùkɔ̃ kè ŋuti wo kɔ̀ na Tɔhonɔ̀, mìabe Mawu a ye mì nyi; mìawo ye Tɔhonɔ̀, mìabe Mawu cã, ne mìa nyi dùkɔ̃ kè la nyi ye ŋutɔ tɔ̀, lè dùkɔ̃ kèwo keŋu lè ànyigbã jiawo dòmè.

Vɔ̀a, ne Tɔhonɔ̀ sɔ yebe àlɔ̀ sɛ̃sɛ̃ kplɔ̀ mì to, eye be xɔ̀ mì plè so Faraɔ̀n, Ejiptè be èfìɔ kè gbɔ mì nyi kluviwo lèa sia, ɖe ye Tɔhonɔ̀ lɔ̃ mì, eye be wɔ̀ ɖo àjɔ̀gbè kè be fìã na mìa tɔgbewoa ji.

Mu nyi be ɖe ye mì sùgbɔ wu dùkɔ̃ kpɔ̀tɛawo keŋu, ŋuti ye Tɔhonɔ̀ cã mì, eye be lɔ̃ mì lekea ɖo ò. Mìabe hɛ̃hlɛ̃ mè bòhũ ye mu sù ènu ɖekpe, lè dùkɔ̃wo dòmè ò.

Sìtu la nɔ̀ mìa ji wu dùkɔ̃wo keŋu. Èkò mu la nɔ̀ mìabe ànyigbã ji, lè ŋusù gbɔ, àlo, lè nyɔ̃nù gbɔ ò. Èkò mu la nɔ̀ mìabe èlãhawo cã dòmè ò.