Popular Bible Verses from Èsea gbìgbɔ̀ hlɛ̃ 5

Share

Do bùbu ètɔ wò ku ènɔ̀ wò ŋuti, sìgbè lekè Tɔhonɔ̀, àpo Mawu ɖo è na wòa nène, ne wòa nɔ̀ àgbè dìdi, eye ènu ne nyɔ na wò, lè ànyigbã kè Tɔhonɔ̀ àpo Mawu sɔ na wòa ji.

Mì la nɔ zɔ̃, wè sia wè, lè èmɔ kè Tɔhonɔ̀, mìabe Mawu ta na mìa ji, àleke be mìa nɔ̀ àgbè, ne mìa nɔ̀ jɔ̀gbè nyuɛ̃ mè, ne mìabe àgbè ne dìdì, lè ànyigbã kè le sù mìa sia ji.

Wò mu la do èta gũ na èkpetata ŋuawo ò, eye wò mu la sumɔ wo ò, ɖoa, ènyè ye nyi Tɔhonɔ̀ àpo Mawu, Mawu kè hùãnàŋu, eye mù ɖona ètɔwo be èvuɛ̃ tèpe na èvi kèwo crì mùawo, kaka na jìjimè ètɔ̃gɔ̃a ku ènègɔ̃a, vɔ̀, ɖènà ànùkuawɔ̀wɔ fiɔ jìjimè èkà èwìvɔàtɔ̃ kèwo lɔ̃ mù, eye wo le èse nyèwo ɖo àsia.

Wò mu la wɔ̀ legba ɖekpe, àlo ènu ɖekpe kè lè jiŋùkusia, àlo ènu ɖekpe kè lè ànyigbã jia, àlo ènu ɖekpe kè lè èsì mè, lè ànyigbã gɔ̃mèa be nɔ̀nɔmè na ɖokoe wò ò.

Wò mu la sumɔ vòdu ɖekpe, bɔ̀ ɖo ŋuti nyè ò.

Wò mu la yɔ Tɔhonɔ̀ àpo Mawu be nyikɔ sɔ gble ò, ɖoa, Tɔhonɔ̀ mu la dokpò èto dɔ̃dɔ̃ na àmè kè la yɔ yebe nyikɔ sɔ gblea ò.

Ne woabe susu la jro kpò be yèwoa nɔ si mù, ne yèwoa nɔ wɔ̀ ɖo èse nyèwo ji, gbè sia gbèa, e la na woa ŋutɔwo ku woabe èviwo be nyɔna, kaka sɔyì!

Le ŋùku ɖo jɛ̃gbɔ̃zãa ŋuti, ne wòa wɔ̀ ɛ̀ kɔ̀kɔ̀ɛ, sìgbè lekè Tɔhonɔ̀ àpo Mawu ɖo è na wòa nène.

Wò mu la bìaŋù ɖo èhawòvi be èsrɔ̃ ŋuti ò. Wò mu la bìaŋùku ɖo èhawòvi be àxue, be àgblè, yebe sumɔ̃vi ŋusù, sumɔ̃vi nyɔ̃nù, yebe ènyì, àlo yebe èsɔ-àkɛtɛ, àlo ènu ɖekpe kè nyi èhawòvi tɔ̀a ŋuti ò.”

Wò mu la wɔ̀ àhasì ò.

Wò mu la ɖù àjè be ɖase ɖo èhawòvi ŋuti ò.

Wò mu la wù àmè ò.

Wò mu la fĩ èfĩ ò.

Ɖoŋù be wò nyi kluvi lè Ejiptè be ànyigbã ji sã, eye Tɔhonɔ̀, àpo Mawu a vlũ yebe àlɔ̀ sɛ̃sɛ̃a, sɔ kplɔ̀ wò to so funua; ekèa ŋuti Tɔhonɔ̀ àpo Mawu ɖo è na wò be wòa do bùbu jɛ̃gbɔ̃zãa ŋuti ɖo.

Ŋùkèkè àdɛ̃ ye wò la wɔ̀ èdɔ, eye wò la wɔ̀ èdɔ wòwo keŋu. Vɔ̀a ŋùkèkè adrɛ̃gɔ̃ a ya nyi Tɔhonɔ̀, àpo Mawu be jɛ̃gbɔ̃zã. Wò mu la wɔ̀ èdɔ ɖekpe, lè e ji, wò ŋutɔ, ŋusùvi wò, nyɔ̃nùvi wò, sumɔ̃vi wò ŋusù, sumɔ̃vi wò nyɔ̃nù, ènyì wò, èsɔ-àkɛtɛ wò, èlã wòwo dòmètɔ ɖekpe, àmèjro kè zɛ̃ gbɔ wòa, ne sumɔ̃vi wò ŋusù ku sumɔ̃vi wò nyɔ̃nù, woa gbɔ̃jɛ̃, sìgbè wò ŋutɔ ke nène.

“Ènyè ye nyi Tɔhonɔ̀ àpo Mawu, kè kplɔ̀ wò to so Ejiptè be ànyigbã ji, àfi kè wò nyi kluvi lè sãa.