Popular Bible Verses from Èsea gbìgbɔ̀ hlɛ̃ 4

Share

Wàlɛbɛ ŋua ye mì la va nɔ ji Tɔhonɔ̀, mìabe Mawu a, eye, ne mì ji ì ku mìabe èjì blibo, ku mìabe èkla bliboa, mì la kpɔ ɛ̀.

Ɖoa, Tɔhonɔ̀, mìabe Mawu a, Mawu kè kuna ŋuzĩzĩ na àmèa ye be nyi. Mu la gble mì ɖɛ ò, mu la crɔ̃ mì ò, mu la ŋlɔ̀be èzò kè be ɖù ku mìa tɔwo ò.

Ɖoa, Tɔhonɔ̀, àpo Mawu a, èzò bìnu ku Mawu hùãŋu ye be nyi.

Vɔ̀a, mì kpɔ nyuɛ̃ ɖe, ne mì mu gbà ŋlɔ̀be ènu kèwo mì kpɔ ku mìabe ŋùkuviwo ò. Wo mu gbà bu gbèɖe, lè mìabe èjìwo mè ò. Mì la fiɔ mìabe èviwo ku mìabe èviwo be èviwo

Ekèa ŋutia, mì kpɔ ɛ̀ jèsi egbèa, ne mìa nya ɛ̀ be Tɔhonɔ̀, ye nyi Mawu, lè jiŋùkusi ku ànyigbã ji; Mawu bu mu gbà lè ò.

Lè nyàwototo mèa, dùkɔ̃ gã kɛ ye lè, kè be vòduwo gogona ɛ̀, sìgbè lekè Tɔhonɔ̀, miabe Mawu a wɔ̀nà, gà ɖekpekpe gàmè kè mi gbe yɔ ɛ̀ kpòa nène ò?

Ne mì va lè vevesèse mèa, wàlɛbɛ kè ènu kèawo keŋu la va nɔ jɔ̀ ɖo mìa ji, lè èsɔ̀ mèa, wàlɛbɛ ŋua ye mì la trɔ va Tɔhonɔ̀, mìabe Mawu a gbɔ, wàlɛbɛ ŋua ye mì la sè ètonu na ɛ̀.

Mì mu la sɔ ènyà ɖekpe, sɔ kpe èse kèwo mù sɔ le do àsi na mìa ò, eye mì mu la ɖè ɖekpe lè e mè ò, àleke be mìa le Tɔhonɔ̀, mìabe Mawu a be èse kèwo mù sɔ le na mìawo ɖo àsi.