Popular Bible Verses from AROOMA 3

Share

n'ûntû antû bonthe n'eeyia na tûrî aaraaya na wagîru bwa Ngai. Gûtwagîrithia kûra Ngai atwagîrithagia i kîewa kuumania na ûtugi bwake. Atwagîrithagia gûkûrûkîîra kîrî Kîrîstû Yiesû ûra atûthaûraga tûkauma meeyiani meetû.

Ngai atweyaga wagîru bûbû n'ûntû bwa gwîtîgia Yiesû Kîrîstû. Na bu i bwa kîrî muntû wonthe ûra eetîgagia. Antû bonthe i bûmwe

Ngai aatûmire Kîrîstû eeruta arî kîgongwana n'ûntû bwa meeyia meetû. Twagîrithagua rîra twetîgia atî Kîrîstû eetûûrire nthakame yake n'ûntû bwetû. Na ûgu ikwonania bûra Ngai aagîrîte bûgana, n'ûntû mbereeni ateeyaga bara beeyagia îkaanûkia na mpwî. Îndî îgiitaani rîrî tûrî oonanagia wagîru bwake. Na kaîrî Ngai aatûmire Kîrîstû kwonania n'ûmwagîru na naagîrithagia bara beetîgagia Yiesû.

Na kwoogu gûtirî muntû aûmba kwagîrithua i Ngai kuumania na kûthingata watho. Watho ibûtûmaga tûmenya meeyia meetû.

Na wata bûra kwandîkîîtwe *Maandîkooni Maatheru, “Gûtirî we mwagîru, kinya nwa ûmwe ûgu. Gûtirî we aciûkagîrwa, gûtirî we eendaga kûmenya Ngai. Antû bonthe barî aaraaya na Ngai, bonthe ibabîtîîtie. Gûtirî muntû arûthaga mantû meega, kinya nwa ûmwe”

Kwoogu itwiyî muntû aagîrithagua i Ngai n'ûntû bwa wîtîgio na t'ûntû bwa kûthingata watho.

Arî buru! Ngai aaragia ûmma wana kinya ûkeegua muntû wonthe nthîgûrû i mûûrongo. *Maandîkooni Maatheru kwandîkîîtwe ûûgû îgûrû rîa Ngai, “Ûkoonekana waragia ûmma, na wathitangwa ûgaacinda îgamba.”