Popular Bible Verses from AROOMA 2

Share

Nûkwona taka Ngai atagîkûgiitîra îgamba oone ûrî mwîyia n'ûntû bwa kûgiitîra bara beeyagia îgamba na woû wîyagia meeyia ta maao? Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

Kwoogu woû ûgiitagîra bara bangî îgamba ûtirî na rûûtha rwa kûrûtha ûgu. Rîra ûkûgiitîra bara bangî îgamba, na wana woû nûrûthaga mantû maathûûku, i ta woû wengwa ûkwîgiitîra îgamba.

Gûtirî we Ngai eendagîîra

Muntû atituîka ûmwagîru n'ûntû bwa kwîgua watho. Îndî akûrûtha bûra watho buugaga naagîrithagua.

Ntugû înu Ngai akaa woora muntû kîewa gîake kûringana na bûra ûkeegua arûthîîte.

Îndî bara beenganaga na mantû maao na barûthaga mantû maathûûku bantû a barûthaga bûra bûrî bwa mma, Ngai akaboonia bûra mûthûûro wake kîrî bo ûgana.

Îndî naawe ûûmîîtie kîongo warega kwîrira. Kwoogu nwa ka ûkwîbongeera ûrito bwa îkaanûkia rîra ûkeewa ntugû îra Ngai akoonania bûra mûthûûro wake ûgana na bûra agiitaga magamba bûra kwagîrîte.