Popular Bible Verses from AROOMA 4

Share

Ataaroogea nkanja na wîrane bwa Ngai. Wîtîgio bwake ibwaingîire nkûrûki, aakumia Ngai. Neetîgîîtie na mma Ngai akîûmba kwingia wîrane bwake.

Wata bûra kwandîkîîtwe *Maandîkooni Maatheru, “Ngûtuîkithîîtie îthe wa mîgongo îmingî.” Îburaîmu eerirwe ûgu n'ûntû naarî na wîtîgio na Ngai ûra ariûkagia antû baakuû, ûra arûthaga mantû mateegua marî oogo kaîrî.

Yiesû aarutirwe arî kîgongwana n'ûntû bwa meeyia meetû, na aariûkire kaingo twagîrithua i Ngai.

Rîra Ngai eerire Îburaîmu nciarwa ciake ikeegua irî inyingî ta nthata, Îburaîmu neetîgiirie. Wana kinya ûkeegua ataarî na wîrîgîîro bwa kwîgua arî na aana, Îburaîmu naathiire na mbere kwîgua arî na wîrîgîîro. Na kwoogu aatuîka “îthe wa mîgongo îmingî.”

Na kwoogu kîrî wîrane, wîtîgio i bu bûrî gîtûmi. Ngai oonanîîtie wîrane bwake i bwa mma kîrî nciarwa cia Îburaîmu cionthe n'ûntû Ngai arî ûtugi. Wîrane bwake ti kîrî nciarwa cia Îburaîmu cionka ira ithingataga watho, i kinya kîrî bara barî wîtîgio ta Îburaîmu. N'we baaba wetû twinthe.

“Kîthaarimo i kîrî bara barekeretwe kûrega kwathîka kwao, bara meeyia maao mathirîîtue. Kîthaarimo i kîrî muntû ûra Mwathani atatarîrîte meeyia maake.”

*Maandîko Maatheru maugîîte, “Îburaîmu neetîgîîtie Ngai. Na n'ûntû bwa wîtîgio bwake Ngai aamûthûkiirie arî muntû ûmwagîru.”