Popular Bible Verses from AIBIRANIA 13

Share

Bûtikeende wendo bwa mbia bûbûgwata ûkombo. Îganagîrwaani i bira bûrî na bio n'ûntû Ngai augîîte, “Ntikooro gûtiga kana ngûta.”

Yiesû Kîrîstû akari bûmwe rîonthe, îgoro, îmunthî, mwanka gûtarî rîo.

Kwoogu ga tuugeeni ûûgû, “Mwathani n'we mûnteethia, ntiîgua ûguaya. N'ûû ûûmbûûria?”

Bûtikaariganîrueni i kûrûtha mantû meega na teethanagiani na bira bûrî na bio, n'ûntû mantû ta mamu imakenagia Ngai, marî ta kîgongwana.

Kwoogu ga tûkumieni Ngai gûkûrûkîîra kîrî Yiesû, kûrî ta kîgongwana gîa ûkumio bwetû kuuma tûnyuani tûra tuumbûraga riîtwa rîake.

Kûgûrana ikûbatîîrue gûtîîywa i bonthe. Arûme na eekûrû ibabatîîrue beegua barî eetîgua bonthe. Ngai akaagambithia bara bamaramaraga na bara bathûngagîîra.

Ririkanagaani kûgwataga antû ûgeni, n'ûntû bamwe ba bara baarûtha ûgu ibaagwatire araîka ûgeni batakûmenya.

Ngai wa ûkiri ûra aariûkiirie Mûrîîthi wa ng'ondu, mûrîîthi arî îgweta mûno, ta we Mwathani wetû Yiesû Kîrîstû, gûkûrûkîîra kîrî nthakame ya kîrîîkanîro gîa tene na tene, aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.