Popular Bible Verses from NJAKUBU 1

Share

Aruayia na aarayia, thûkagiani kîrî gîkeno kîînene rîra bûkwona magerio ma mîthemba yonthe n'ûntû ibûkûmenya rîra wîtîgio bwenu bûkûûmba gûcinda magerio mamu, i rîo kûûmîîria kwenu kwongeerekaga.

Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

Eendwa, aruayia na aarayia, menyaani ûûgû, muntû nakarage na mpwî cia kwîgua, îndî ti cia kwaria kana cia kûthûûra.

Rekaani kûûmîîria kwenu kwingie ngûgî ya ku ndeni yenu kaingo bwîgua bûrî eetîgîri agima, gûtarî kîo bûkwaga.

Nabûteebenia mana nakûthikagîîria kiugo gîake akî. Nwa mwanka bûrûthage bûra kiugo gîkuuga.

Kîthaarimo i kîrî ûra aûmagîîria magerio mamûyîîra, n'ûntû amoota ageekirwa nthûmbi ya mwoyo îra Ngai eeyanire wîrane bwa yo kîrî bara bamwendeete.

Ûntû bwega bunthe na kîewa kîîganîîru biumaga îgûrû kîrî Ngai, Mûûmbi wa bionthe bira bimûrîkaga îgûrû. We atigarûkaga ta bio na atikaraga akîgarûkaga ta irundu.

Ûra athikagîîria bûra kiugo gîkuuga na atarûthe bûra gûkwendekana akari ta muntû eeraithîîte na kîyici bûra akari ûthiû, eebona bûra akari akathi. Na atirakarakara akariganîrua i bûra eebonire akari.

Ndini îmbagîru na ya mma mbere ya Ngai Baaba n'îno: gûteethagia aana ba nkîa na ntigwa mathîînaani maao, na muntû akeemenyagîîra atigaakwe rûko i mantû ma nthîgûrû îno.

Muntû aayîîrwa i magerio atikauge i Ngai akûmûgeria. Ngai atigereka arûtha ûthûûku na atigeranagia. Muntû athûngagîra magerioni aakuuyua i mawîrirîîria maake maathûûku mwanka magatûma arîîkîîrua i mûtego wa mo.

Mûruayia kana mwarayia ûra arî na ûkîa nwa akeneere kwîgua Kîrîstû amûthûkagia arî muntû wa gîtûmi mûno.