Popular Bible Verses from AIBIRANIA 12

Share

Na kwoogu n'ûntû tûrî na gîkundi kîînene ûgu, kîra gîtûthiûrûkîîte gîa akûûyî ba wîtîgio, ga tuugieni rwîro rûra tûbatîîrue tûthi na mbere na kuugia tûrî na kûûmîîria. Na kaingo tûûmba kuugia, nwa mwanka tûtigane na kîra kîonthe gîtûrigagîîria na wîyia bûra bûtûkooragia. Tûraitheeni Yiesû ûra aanjîîrie wîtîgio bwetû. N'we agaatûkinyia mûthia wa bu. Naûmîîrie gîkuû kîra aakuire mûtharabaani, na eetîgîra aagîa îgi rîa gîkuû gîku ta gûtarî bu bwarî oogo, n'ûntû bwa gûkena kûra Ngai aamûkeneetie. Îîndî akari rûteere rwa Ngai rwa ûrîo rwa gîtî kîa ûnene.

Rîra wîgagua tûkîonua kûra tûbîtagîria, tûtikenaga. Wîgagua tûkîîgua ûrûrû na tûtikenaga. Îndî nyumaani bara beegagua booneete baita kuumania na kwoneerua kûra babîtagîria, iboonaga maumithio ma wagîru na ûkiri.

Cûûgiani mûno bûtûûranagieni na ûkiri na wakîra muntû. Geriani na njîra cionthe gûtûûra bûrî baatheru, n'ûntû bwarega kûrûtha ûgu bûtiona Mwathani.

Thûgaanîriani bûra gwakarîkire kîrî Yiesû, bûra aûmîîrie aanyamaarua n'antû ba meeyia bara baamûkararagia. Bwarûtha ûgu bûtiîgua bûkînogerwa nkorooni cienu kana bûthira wîru.

Na kwoogu, n'ûntû itûkwewa ûnene bûra bûtainiinîka, ga tûcookerieni Ngai nkaatho na tûmûgonge, tûkîmûtîîyaga na tûkîmûkuthûkaga na njîra îra îkaamûkenia.

Ûmîîriani rîra Ngai abwonia kûra bûbîtagîria, n'ûntû eegagua akîbûthûkia ta aana baake. Ka kûrî mwana atoonagua n'îthe kûra abîtagîria?

Ga tûrûtheeni ûgu n'ûntû Ngai wetû akari ta mwanki wa wînyangia.

Babaaba beetû baatwonagia kûra twabîtagîria gwa kagiita gaakai, kûringana na bûra boonaga bûrî bwega mûno. Îndî Ngai atwonagia kûra tûbîtagîria n'ûntû bwa ûteethio bwetû twingwa, kaingo twîgua tûrî na ûtheru ta bwake.

Kûrûani kûra bûrûaga na meeyia bûtikûrî gûkinyia a kûruta mîoyo yenu.