Popular Bible Verses from อิ​สะ​ยา 40

Share

นิ่น ปุน โค้ว เญย เมี่ยน ม่าย ชะ, หย่า ปุน เมา เญย เมี่ยน เฮ้น เจี์ย ต้าย.

หฮญัง-เจ๊ย หลุน เญย เมี่ยน ไฮ่ โค้ว, ไฮ่ เมา. เฮ้น เญย เมี่ยน หลุน เมี่ยน หย่า ไฮ่ ดิ๊ หฒุ ดอบ. มป่า เขา เฒี้ยว เญย เมี่ยน ฒู้ง ตุ๊ เซียง-ชะ. นิ่น บัว ฯฒฯ ฮนั้ง ต้ม จ๊าง ยัง เจี๊ยน ด๊าด ได๋ ฝาว, นิ่น บัว ฯฒฯ ถิว หย่า ไม้ โค้ว, นิ่น บัว ยั่ง หย่า ไม้ เมา.

เม่ย บัว ไม้ ฮิ้ว ไฟ? เม่ย บัว ไม้ ไฮ์ เจี๋ย ไฟ? เฒี้ยว เซ เหยียด ลิ์ว เยียม เญย ทิน-ฮู่ง, เซ เหฒย จ่ม ลู่ง เดี๊ย วั้ว เต้า. นิ่น ไม้ ขวน หย่า ไม้ โค้ว, นิ่น เญย ว่วน ฒาง ไม้ ม่าย หาย เต้า ไฮ่ ฮิ้ว ตุ๊ เถา.

ม่าย ล่าน เมี่ยน เห่ว เจี๊ยน ก๊อง, “เยียม เต่ย-ปูง-ฮวาง อ๋อย หฒุ หลิ่ว เล์ย เฒี้ยว เญย เจ๊า. เยียม เต่ย-ปูง-ฮ์าน อ๋อย หฒุ เหว่ย บัว เญย ทิน-ฮู่ง คอย ติ้ว ต้ม เจ๊า หฒะ เญย.

เมี้ย ฆาย มี่ง, เปี้ยง หย่า โปย้, มป่า เยีย บัว เญย ทิน-ฮู่ง เญย หว่า เหยียด ลิ์ว เยียม.”

เฒี้ยว เญย ฌัง-หล่าง อ๋อย หิ่น ธ้วด ต้าย, ป้าม เมี่ยน เหยียด ฒู้ง อ๋อย ล่ม ฑ่อย ปวัด. เหว่ย หฒุ เฒี้ยว กั้น เญย ฑุ่ย ก๊อง ลิ์ว อ๊ะ.”

นอมๆ ฮ์อง อ๋อย หฒุ ติ้น ฝาว ต้าย, เหยียด ฒู้ง บง-ฮลัง บง-ไอ๊ อ๋อย หฒุ โหฒว ไอ๊ เหฌี่ย. ไม้ ย่วน เญย ต๋อง อ๋อย หฒุ ฟี่ แบ่ง. ฮลังๆ ไอ๊ๆ เญย ต๋อง อ๋อย หฒุ เป๋น เดา-แป้ง.

นิ่น โก๋ว นิ่น เญย เมี่ยน ฮนั้ง โก๋ว ปะกี ยู่ง เญย เมี่ยน โก๋ว กั้น เญย ยู่ง กวั้น นอ. นิ่น หล่ง ปั์ว ฮล้อ ฒุ้น นิ่น เญย ปะกี ยู่ง ตอน ฮล้อบ เจี๊ยน เยียม นิ่น เญย หละค้วด, หย่า หมั่นๆ ต้อ ต้อ เจี๊ยน ตอน เญย ปะกี ยู่ง มา.

เม่ย บัว เธา เฮมียน หมั่ง กู้ หงว่าย, หาย เต้า เหฒย น้าย เต๋ย เหยียด ฒู้ง? เซ ต้ง ต้อ เหฮลย-กวั้น หฒิว โสว โหม่ว ธ้วด ต้าย, หย่า เห่ว นอมๆ เญย บั๋ว วั้ว เต้า. เหว่ย นิ่น เฮ้น ไห่ เญย ต้ม ชะ ฯฒฯ ไม้ ธา เหยียด นอม เหฮลย.

ทิน-ฮู่ง เฒว์ย เจี๊ยน ป้าม เกน กู้ หงว่าย, เยียม ป้าม เกน เญย เมี่ยน ฮนั้ง จ๊บ-เหญ่ย. นิ่น ธอง ฆอย ลู่ง ฮนั้ง ธอง แบะ แก้ง เดีย, หย่า ธอง ฆอย ฮนั้ง เมี่ยน เยียม เญย ด๊บ-ลิ่ว.

อ๋อย หฒุ เหธา เย​ลู​ซา​เลม ก๊อง ออน เฮญี้ยว เญย หว่า, หย่า ฒุ่น บั๋ว นิ่น, นิ่น หฒุ โค้ว หน่าน เญย เฒี่ยง โห่ เจี๋ย หมี่ อ๊ะ. นิ่น เญย ฒุ์ย หย่า ตุ๊ กวั่ง หมี่ อ๊ะ. นิ่น หฒุ เฒี้ยว ตี่ง นิ่น โหฒว เญย เหยียด ฒู้ง ฒุ์ย อี โก๊ว.

ม่าย เฉีย ก๊อง, “เห่ว ม่าะ!” เยีย ฯฒฯ ก๊อง, “เยีย อ๋อย หฒุ เห่ว หาย หญู่ง?” “เหยียด ฒู้ง ป้าม เมี่ยน เซ ฮนั้ง เมี้ย นอ. นิ่น บัว เญย ฌัง-หล่าง หย่า ฮนั้ง เดา-ฮวาง เญย เปี้ยง. เมี้ย ฆาย มี่ง, เปี้ยง หย่า โปย้, เหว่ย หฒุ เฒี้ยว เญย เฉีย ปย๊ม หฒุ. ป้าม เมี่ยน ด่ง หาย ฒู้ง ฮนั้ง เมี้ย นอ.

หมั่ง ม่าะ! เฒี้ยว ทิน-ฮู่ง ต้อ เจี๊ยน ต้ม ชะ ต้าย. นิ่น เญย ปั์ว เถง นิ่น กุ๊น. หมั่ง ม่าะ! นิ่น เญย ฒี่ง เหญ่ย เหธา นิ่น เยียม, นิ่น วิ่น ปุน เญย เยียม นิ่น เญย หฑะเฮมียน.

เม่ย บัว เญย ทิน-ฮู่ง ก๊อง, อ๋อย หฒุ ออน เฮญี้ยว, อ๋อย หฒุ ออน เยีย เญย แปะ ฝีง เญย เฮญี้ยว.

หาย เต้า หล่ง ปั์ว-ฒ้าง-ออ ฮลาว ค้อย เญย ววม, ไฟ หล่ง ปั์ว-หนาม เดาะ ลู่ง? หาย เต้า เฒาะ ลู่ง เดี๊ย เญย เนีย-บูง ตั๊บ นอม ท้ง, ไฟ หล่ง เหฑียง เฑียง บง, ไฟ หล่ง ทิน-แป้ง ตั๊ง เฑียง บง-ไอ๊. หาย เต้า ไฮ่ ฒะ ตุ๊ หฒุ เฒี้ยว เญย เฮญี้ยว ไฟ โหฒว นิ่น เญย ธ่าง ล่าง เมี่ยน หฌาว นิ่น? นิ่น เหธา หาย เต้า ธ่าง ล่าง หธีง ไฮ่ ฮิ้ว ตุ๊ หาย หญู่ง เม่ง? ไฟ หาย เต้า หฌาว นิ่น ฮิ้ว ตุ๊ แป้ง ฟิม เญย เจ๊า? หาย เต้า หฌาว นิ่น ม่าย ว่วน ฒาง, ไฟ ปุน นิ่น ฮิ้ว ทง หญู่งๆ เจ๊า?