อิสะยา 40
40
ทิน-ฮู่ง ออน นิ่น เญย แปะ ฝีง เญย เฮญี้ยว
1เม่ย บัว เญย ทิน-ฮู่ง ก๊อง,
อ๋อย หฒุ ออน เฮญี้ยว,
อ๋อย หฒุ ออน เยีย เญย แปะ ฝีง เญย เฮญี้ยว.
2อ๋อย หฒุ เหธา เยลูซาเลม ก๊อง ออน เฮญี้ยว เญย หว่า,
หย่า ฒุ่น บั๋ว นิ่น,
นิ่น หฒุ โค้ว หน่าน เญย เฒี่ยง โห่#40:2 ฟาน หฒะ ก๊อง “เบ๊าะ จ๋า เญย เฒี่ยง โห่”. เจี๋ย หมี่ อ๊ะ.
นิ่น เญย ฒุ์ย หย่า ตุ๊ กวั่ง หมี่ อ๊ะ.
นิ่น หฒุ เฒี้ยว ตี่ง นิ่น โหฒว เญย เหยียด ฒู้ง ฒุ์ย อี โก๊ว.
3ม่าย ล่าน เมี่ยน เห่ว เจี๊ยน ก๊อง,
“เยียม เต่ย-ปูง-ฮวาง
อ๋อย หฒุ หลิ่ว เล์ย เฒี้ยว เญย เจ๊า.
เยียม เต่ย-ปูง-ฮ์าน อ๋อย หฒุ เหว่ย บัว เญย ทิน-ฮู่ง
คอย ติ้ว ต้ม เจ๊า หฒะ เญย.#40:3 ไฟ แป้ง เญย.#มัดทาย 3:3; มาโค 1:3; ลูกา 3:4-6; โยฮัน 1:23
4นอมๆ ฮ์อง อ๋อย หฒุ ติ้น ฝาว ต้าย,
เหยียด ฒู้ง บง-ฮลัง บง-ไอ๊ อ๋อย หฒุ โหฒว ไอ๊ เหฌี่ย.
ไม้ ย่วน เญย ต๋อง อ๋อย หฒุ ฟี่ แบ่ง.
ฮลังๆ ไอ๊ๆ เญย ต๋อง อ๋อย หฒุ เป๋น เดา-แป้ง.
5 เฒี้ยว เญย ฌัง-หล่าง อ๋อย หิ่น ธ้วด ต้าย,
ป้าม เมี่ยน เหยียด ฒู้ง อ๋อย ล่ม ฑ่อย ปวัด.
เหว่ย หฒุ เฒี้ยว กั้น เญย ฑุ่ย ก๊อง ลิ์ว อ๊ะ.”
6ม่าย เฉีย ก๊อง, “เห่ว ม่าะ!”
เยีย ฯฒฯ ก๊อง, “เยีย อ๋อย หฒุ เห่ว หาย หญู่ง?”
“เหยียด ฒู้ง ป้าม เมี่ยน เซ ฮนั้ง เมี้ย นอ.
นิ่น บัว เญย ฌัง-หล่าง หย่า ฮนั้ง เดา-ฮวาง เญย เปี้ยง.#ยากอบ 1:10-11; 1 ปีเต 1:24-25
7เมี้ย ฆาย มี่ง, เปี้ยง หย่า โปย้,
เหว่ย หฒุ เฒี้ยว เญย เฉีย ปย๊ม หฒุ.
ป้าม เมี่ยน ด่ง หาย ฒู้ง ฮนั้ง เมี้ย นอ.
8เมี้ย ฆาย มี่ง, เปี้ยง หย่า โปย้,
มป่า เยีย บัว เญย ทิน-ฮู่ง เญย หว่า เหยียด ลิ์ว เยียม.”
9โอ สิโอน ฒี่ง เญย เมี่ยน อ้า!
เม่ย บัว ต้อ คู้ เฝียน,#40:9 ไฟ “ต้อ คู้ เฝียน ต้าย ปุน สิโอน ฒี่ง เญย เมี่ยน อ้า!”
อ๋อย หฒุ ฝาว บง-ฮลัง.
โอ เยลูซาเลม ฒี่ง เญย เมี่ยน อ้า! เม่ย บัว ต้อ คู้ เฝียน.#40:9 ไฟ “ต้อ คู้ เฝียน มี่ง ปุน เยลูซาเลม ฒี่ง เญย เมี่ยน อ้า!”
เม่ย บัว อ๋อย หฒุ ธ้วด เฉีย โฮล เญย เห่ว,
ธ้วด เฉีย เห่ว, ไม้ ตู๋ง กั้ม เหฑีย.
อ๋อย หฒุ ก๊อง บั๋ว ยูดา เญย ฒี่ง,
“น้าย เซ เม่ย บัว เญย ทิน-ฮู่ง.”
10หมั่ง ม่าะ! เฒี้ยว ทิน-ฮู่ง ต้อ เจี๊ยน ต้ม ชะ ต้าย.
นิ่น เญย ปั์ว เถง นิ่น กุ๊น.
หมั่ง ม่าะ! นิ่น เญย ฒี่ง เหญ่ย เหธา นิ่น เยียม,
นิ่น วิ่น ปุน เญย เยียม นิ่น เญย หฑะเฮมียน.#อิสะยา 62:11; หล่าว ย่าง 22:12
11นิ่น โก๋ว นิ่น เญย เมี่ยน ฮนั้ง โก๋ว ปะกี ยู่ง เญย เมี่ยน โก๋ว กั้น เญย ยู่ง กวั้น นอ.
นิ่น หล่ง ปั์ว ฮล้อ ฒุ้น นิ่น เญย ปะกี ยู่ง ตอน
ฮล้อบ เจี๊ยน เยียม นิ่น เญย หละค้วด,
หย่า หมั่นๆ ต้อ ต้อ เจี๊ยน ตอน เญย ปะกี ยู่ง มา.#เอเสเคน 34:15; โยฮัน 10:11
12หาย เต้า หล่ง ปั์ว-ฒ้าง-ออ ฮลาว ค้อย เญย ววม,
ไฟ หล่ง ปั์ว-หนาม เดาะ ลู่ง?
หาย เต้า เฒาะ ลู่ง เดี๊ย เญย เนีย-บูง ตั๊บ นอม ท้ง,
ไฟ หล่ง เหฑียง เฑียง บง,
ไฟ หล่ง ทิน-แป้ง ตั๊ง เฑียง บง-ไอ๊.
13หาย เต้า ไฮ่ ฒะ ตุ๊ หฒุ เฒี้ยว เญย เฮญี้ยว#40:13 ไฟ สีง ลี่ง.
ไฟ โหฒว นิ่น เญย ธ่าง ล่าง เมี่ยน หฌาว นิ่น?#โลมา 11:34; 1 โคลินโท 2:16
14นิ่น เหธา หาย เต้า ธ่าง ล่าง หธีง ไฮ่ ฮิ้ว ตุ๊ หาย หญู่ง เม่ง?
ไฟ หาย เต้า หฌาว นิ่น ฮิ้ว ตุ๊ แป้ง ฟิม เญย เจ๊า?
หาย เต้า หฌาว นิ่น ม่าย ว่วน ฒาง,
ไฟ ปุน นิ่น ฮิ้ว ทง หญู่งๆ เจ๊า?
15หมั่ง ม่าะ! หม่าน ฝีง เซ ฮนั้ง ท้ง เญย เหยียด เดี๊ยบ ววม,
หย่า ฝุน ฮนั้ง เยียม ทิน-แป้ง ตั๊ง เญย เนีย-บูง.
นิ่น โป้ว หฒวัง ค้อย-โฑว ฮนั้ง ติ๊ เตียน เนีย-บูง.
16เลบานอน เญย เดี๋ยง ไม้ เก๋า โหฒว ฒ่าง ปั๊ว,
เยียม วั้ว เญย เฮยี่ย ฒ่อย หย่า ไม้ เก๋า โหฒว เหฒี่ย เญย กะน้าย.
17หม่าน กั๊วะ เมี่ยน เยียม นิ่น เญย หฑะเฮมียน ไม้ ฝุน เป๋น หาย หญู่ง.
นิ่น ฝุน นิ่น บัว ไม้ ม่าย หาย หญู่ง จ๋า-ฒิ่น,
หฒะเก้ง ไม้ ลั่ม หล่ง.
18เม่ย ไฮ่ ต้อ หาย เต้า ต้าย เป๊ย ทิน-ฮู่ง?
ไฮ่ หล่ง หาย หญู่ง ฝัง เป๊ย นิ่น?#กง-โฒ่ 17:29
19หมิ่ว-ฝัง แอ๊ะ, หฒั่ง เมี่ยน โต๋ ต้าย.
เจียม-หฒั่ง หล่ง เจียม ปวัง เจี๊ยน,
หย่า ธิ ญ่าน หลิ่ม ปุน.
20เมี่ยน จ่ม เมี่ยน ฮนั้ง หน่าย ฝ่ง ห่อ ไม้ เจี์ย,
นิ่น ฯฒฯ กิ๊น ไม้ ไฮ่ ลัด เญย เดี๋ยง.
นิ่น ล์อ ม่าย ปั์ว-เต้า เญย หฒั่ง เมี่ยน,
เหลียบ เจี์ย ไม้ ไฮ่ คีง เญย หมิ่ว-ฝัง.
21เม่ย บัว ไม้ ฮิ้ว ไฟ?
เม่ย บัว ไม้ ไฮ์ เจี๋ย ไฟ?
เยียม ต้ง ธอ วั้ว ไม้ ม่าย หาย เต้า บั๋ว เม่ย บัว ไฟ?
เยียม เหลียบ เดา-เป้ย เญย กอน-โด๊ะ เม่ย บัว ไม้ เม่ง แปะ ไฟ?
22ทิน-ฮู่ง เฒว์ย เจี๊ยน ป้าม เกน กู้ หงว่าย,
เยียม ป้าม เกน เญย เมี่ยน ฮนั้ง จ๊บ-เหญ่ย.
นิ่น ธอง ฆอย ลู่ง ฮนั้ง ธอง แบะ แก้ง เดีย,
หย่า ธอง ฆอย ฮนั้ง เมี่ยน เยียม เญย ด๊บ-ลิ่ว.
23นิ่น ปุน ต้ม เจียน ถุย,
หย่า ปุน กุ๊น ลู่ง เดี๊ย เญย เจียน ไม้ ลั่ม หล่ง.
24นิ่น บัว ฮนั้ง จังๆ หฒวัง เญย กะน้าย
โธะ โหะ หฒวัง เหฌี่ย เดา,
โคะ จัง เหฌี่ย ฑู่ง,
ทิน-ฮู่ง เยี้ยด ปย๊ม นิ่น บัว ฯฒฯ เหญา ฆาย,
หฑยาว-หฒุ่น ป่วน นิ่น บัว มี่ง ฮนั้ง เบย้า ฆ้าว หฒุ ป่วน มี่ง นอ.
25ธีง-เหฑ่ง วั้ว เต้า ก๊อง,
“เม่ย บัว ต้อ หาย เต้า เป๊ย เยีย?
หาย เต้า เหธา เยีย ฟี่ ฮนั้ง?”
26เม่ย บัว เธา เฮมียน หมั่ง กู้ หงว่าย,
หาย เต้า เหฒย น้าย เต๋ย เหยียด ฒู้ง?
เซ ต้ง ต้อ เหฮลย-กวั้น หฒิว โสว โหม่ว ธ้วด ต้าย,
หย่า เห่ว นอมๆ เญย บั๋ว วั้ว เต้า.
เหว่ย นิ่น เฮ้น ไห่ เญย ต้ม ชะ
ฯฒฯ ไม้ ธา เหยียด นอม เหฮลย.
27โอ ยาโค้บ อ่า, เม่ย เหว่ย หาย ติ่ว ก๊อง,
อิสะลาเอน อ่า, เม่ย เหว่ย หาย ติ่ว งบ ก๊อง,
“เยีย เญย เจ๊า ปี๋ง เจี๊ยน เฒี้ยว.
เยีย หอบ หฒุ ตุ๊ เญย,
เยีย เญย ทิน-ฮู่ง ฒู้ง ไม้ กุ๊น อ๊ะ.”
28เม่ย บัว ไม้ ฮิ้ว ไฟ?
เม่ย บัว ไม้ ไฮ์ เจี๋ย ไฟ?
เฒี้ยว เซ เหยียด ลิ์ว เยียม เญย ทิน-ฮู่ง,
เซ เหฒย จ่ม ลู่ง เดี๊ย วั้ว เต้า.
นิ่น ไม้ ขวน หย่า ไม้ โค้ว,
นิ่น เญย ว่วน ฒาง ไม้ ม่าย หาย เต้า ไฮ่ ฮิ้ว ตุ๊ เถา.
29นิ่น ปุน โค้ว เญย เมี่ยน ม่าย ชะ,
หย่า ปุน เมา เญย เมี่ยน เฮ้น เจี์ย ต้าย.
30หฮญัง-เจ๊ย หลุน เญย เมี่ยน ไฮ่ โค้ว, ไฮ่ เมา.
เฮ้น เญย เมี่ยน หลุน เมี่ยน หย่า ไฮ่ ดิ๊ หฒุ ดอบ.
31มป่า เขา เฒี้ยว เญย เมี่ยน#40:31 ไฟ ฒั้ว เฒี้ยว เญย เมี่ยน.
ฒู้ง ตุ๊ เซียง-ชะ.
นิ่น บัว ฯฒฯ ฮนั้ง ต้ม จ๊าง ยัง เจี๊ยน ด๊าด ได๋ ฝาว,
นิ่น บัว ฯฒฯ ถิว หย่า ไม้ โค้ว,
นิ่น บัว ยั่ง หย่า ไม้ เมา.
Currently Selected:
อิสะยา 40: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
