Popular Bible Verses from อิ​สะ​ยา 41

Share

ไม้ ตู๋ง กั้ม เหฑีย. เยีย เหธา เม่ย เยียม. ไม้ ตู๋ง เฮญี้ยว หนัม เหว่ย หฒุ เยีย โหฒว เม่ย เญย ทิน-ฮู่ง. เยีย อ๋อย ปุน เม่ย เฮ้น หย่า อ๋อย เถง เม่ย. เยีย อ๋อย หล่ง เยีย แป้ง ฟิม เญย บย่าว เจี๊ยะ ปั์ว ป๊า เจี๊ยน เม่ย.

เหว่ย หฒุ เยีย, เฒี้ยว, เม่ย เญย ทิน-ฮู่ง, นั้น เม่ย เญย บย่าว เจี๊ยะ ปั์ว. เซ ต้ง เยีย ก๊อง บั๋ว เม่ย, ไม้ ตู๋ง กั้ม เหฑีย, เยีย อ๋อย เถง เม่ย.

“ตะฟ่าน โน์ว เม่ย วั้ว เต๋ย เมี่ยน ฒู้ง อ๋อย หฒุ ไญ้, หฒุ ป่าย เฮมียน. แหง่ง เม่ย วั้ว เต๋ย, อ๋อย หฒุ ป่าย, หฒุ เหมียด.

เยีย เยียม ลู่ง กอน เฒาะ เม่ย, หย่า เยียม เดา-เป้ย โก เจี๋ย เญย ต๋อง เห่ว เม่ย ต้าย. เยีย ก๊อง, ‘เม่ย โหฒว เยีย เญย โปว.’ เยีย กิ๊น เม่ย ต้าย หย่า ไม้ กวั่ง เม่ย.

ไม้ กุ๊น เม่ย ล์อ เหธา เม่ย ต๋อย-เตก เญย เมี่ยน, เม่ย ล์อ หย่า ล์อ ไม้ ปวัด. เหธา เม่ย เบ๊าะ จ๋า วั้ว เต๋ย อ๋อย เจี๋ย เหฑ่ง, หฒุ ป่าย หมี่ อ๊ะ.

โอ ยา​โค้บ อ่า, เม่ย ฮนั้ง แกง-เมา ไม้ เฮ้น, ไม้ ตู๋ง กั้ม เหฑีย. โอ อิ​สะ​ลา​เอน อ่า, เม่ย ไฝ. เยีย กั้น อ๋อย เถง เม่ย.” น้าย เซ เฒี้ยว ก๊อง, ต้ง หฒัวะ เม่ย วั้ว เต้า, เซ อิ​สะ​ลา​เอน เญย ธีง-เหฑ่ง ทิน-ฮู่ง.

“มป่า เม่ย, อิ​สะ​ลา​เอน, เซ เยีย เญย โปว, ยา​โค้บ, ต้ง เยีย กิ๊น ต้าย วั้ว เต้า, เยีย เญย โล์-แกง ต่อย, อับ​ลา​ฮัม เญย เฒ้ย-ฟุน

เยีย อ๋อย เยียม เดา-ฮลัง ฌัง เญย ต๋อง ปุน ด้าย ธ้วด, ปุน เยียม ฮ์อง กะญั์ว ม่าย ววม-ฒี้ง. เยีย อ๋อย ปุน เต่ย-ปูง-ฮ์าน เป๋น ววม-ฌ่าง, ปุน เดา-ฆาย เป๋น ววม-ฒี้ง.

“เมี่ยน จ่ม เมี่ยน เหธา ตั๋ง-ต๋น เญย เมี่ยน ล์อ ววม, หย่า ไม้ ม่าย. นิ่น บัว จาง ฆ้าด, เบียด บ๋อง ฆาย, มป่า เยีย, เฒี้ยว, อ๋อย เตา นิ่น บัว. เยีย, อิ​สะ​ลา​เอน เญย ทิน-ฮู่ง, ไม้ กวั่ง นิ่น บัว.

หาย เต้า โหฒว น้าย เต๋ย สี่ หย่า โหฒว ตุ๊ ธ้วด, เยียม ต้ง ธอ เห่ว ต่อย เจี๋ย ต่อย ธ้วด ต้าย? เยีย, เฒี้ยว, เยียม กอน, เถา เซ้ด เมว์ย เยีย หย่า เยียม เญย. เยีย เซ ต้ง วั้ว เต้า อ๊ะ.”

เยีย อ๋อย เยียม เต่ย-ปูง-ฮวาง หฒวัง สี​ดา ฒ่ง เดี๋ยง, ตะซุ เดี๋ยง, ฟาน หฒิ เลี่ยว เดี๋ยง เหธา กะลั้น เดี๋ยง. เยีย อ๋อย เยียม เต่ย-ปูง-ฮ์าน หฒวัง ปัว คว้าย น่อม เญย ฒ่ง, แอ๋ง เหธา อี หญู่ง ฒ่ง เดี๋ยง, เหว่ย ปุน เมี่ยน ปวัด ฯฒฯ ฮิ้ว, เซ ปุน นิ่น บัว ฮนั้ม หลง หย่า เม่ง แปะ, เซ เฒี้ยว เญย ปั์ว ฮนั้ง น้าย นอ โหฒว, เซ อิ​สะ​ลา​เอน เญย ธีง-เหฑ่ง ทิน-ฮู่ง เหฒย ธ้วด ต้าย.”