Popular Bible Verses from Probirbio 17

Share

Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

Say gayaga pansiasiansiaen toy abig na laman mo. Say ermen mankalkalnan mansumpal ed patey.

No labay mon aroen ka na kaparam a too, pirdonam ira no mankasalanan irad sika. Say ag pakalingwan ed saray kakapoyan, makaderal na pankakaaro.

Say toon madangka ed panagsalita amta toy gagawaen to, tan say toon popokpokan toy sikaton dili walay pakatalus to.

Ta nayarin ipasen a makabat tan walay pakatalus so sakey a toon makulang-kulang no mandeen tan pepetan toy sangi to.

Magmaung niy amagaan a tinapay a dongoan a walay kareenan, nen say baleg a ponsia a dongoan diad magolon abung.

Say gapo na sangsangan et singa abut ed diki; kanyan patondam kasakbayan ya ombaleg ni.

Makapaingungot ed KATAWAN so panusa ed toon anggapoy kasalanan tan say pangibolus ed toon maoges.