Popular Bible Verses from Probirbio 16

Share

Kerew mod KATAWAN a bindisionan to ray planom, et nagawam ira.

Nayarin mamplano ka, balet say KATAWAN so mangiwawanwan ed saray gawam.

Saray marakep a salita et singa ra dilo—masamit tan maabig ed laman mo.

Nayarin mamplano tayo, balet say Dios so makaoley ed pakasumpal da.

Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Say panagpaatagey mansusumpal ed kaderal, tan say panaglastug, diad katumba.

Nayarin abaloan mo a maptek ya amin so gagawaen mo, balet say KATAWAN sisintinsiaan to ray gagalam.

Dengel moy nibabangat ed sika, et onaligwas ka; manmatalek kad KATAWAN, et manliket ka.

Magmaung niy daiset a kayaryan a nalad malinis ya anapan, nen say dakerakel a kayaryan a nalad kasaolan.

Say dalan ya abaloan mon duga et nayarin mamaarap ed patey.

Saray totoon maoges so mangikakayat na talabutob; manangigapo ray golo tan managderal iray pankakaaro.