Popular Bible Verses from Probirbio 18

Share

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Say KATAWAN et singa mabiskeg a torin nasalimbengan na saray totoon matonung, pian niarawi rad kaatapan.

Wala ray totoon konkonwarin kaaro, balet saray arum a kaaro matoor ira nen saray dilin agagi.

Say toon akalmo na maung ya asawa to akarumog na maung a bengatla; ipapanengneng na saya a maung so linawa na KATAWAN ed sikato.

Dengel ka ni kasakbayan kan onebat. No andi, makulang-kulang tan managpabaing ka.

Say toon makulang-kulang anggapoy walad sikato no natalusan toy sakey a bengatla odino andi; say labay to labat say pangipanengneng toy kasiliban ton dili.

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.