Popular Bible Verses from Каласвийриз 3

Share

Сад садахъ галаз сабур гваз хьухь, куьне садакай садаз хьайи рикӀин тӀарвилерилай гъил къахчу. АкӀ гъил къахчу хьи, Реббиди квелай къахчурвал.

Куь фикирар чилиз талукьдахъ ваъ, цавуз талукьдахъ элкъуьра.

Куьне вуч ийиз хьайитӀани, вири рикӀелди ая, куьне ам инсанар патал ваъ, Ребби патал ийизвай хьиз ая.

Гьавиляй, Аллагьди хкянавай Вичиз талукьбур ва кӀанибур яз, куьне жувал чарадан рикӀикай хабар кьун, дугъривал, умунвал, инсанрихъ галаз рахунра хъуьтуьлвал, сабур либас хьиз алукӀа.

Къуй Месигьдикай тир гаф вичин вири девлетдалди квехъ галаз санал хьурай. Сада садаз гьар жуьредин камалдалди чирвал ва несигьатар це, ва, шукурвал къалуриз, куь рикӀера Аллагьдиз забурар, тарифдин ва руьгьани манияр лагь. Куьне вуч ийиз ва вуч лугьуз хьайитӀани, Ребби Исадин ТӀварцӀин гьуьрметдай ая, Адалди Аллагь Бубадиз шукур гъваш.

Ва и виридал алава яз, тамам садвиле кӀватӀзавай муьгьуьббатни эхциг.

Гьа икӀ, квел Месигьдихъ галаз чан хканватӀа, Месигь Аллагьдин эрчӀи гъилихъай ацукьнавай цавариз талукь жез алахъа.

Къуй куь рикӀериз регьбервал Месигьдин ислягьвили авурай, вучиз лагьайтӀа куьн са Бедендин паяр я ва квез а ислягьвал тайинарнава. Квехъ шукур авайди къалура.

Гьавиляй гунагькар тӀебиатдиз гьеле талукь яз жувак кумай кьван вири йикь: явавал, ахлакь тахьун, кӀеви гьевес хьунухь, абур авачир мурадар ва азгъунвал (ам бутриз икрам авунилай гъейри мад са затӀни туш).

Куьн и дуьнья патал кьена, ва куь уьмуьр Месигьдихъ галаз санал Аллагьда чуьнуьх хьанва.

амма исятда куьн патал и виридакай – хъилекай, гъазабдикай, писвиликай, агъу квай мецикай ва татугай гафар рахуникай – хилас жедай вахт алукьнава.

Сада садаз таб мийир, гьикӀ лагьайтӀа куьне куьгьне инсандин къаматни крар жувалай алуднава. Куьне халисан чирвилив цӀийи хъувунвай ва Халикьдин Вичин къамат язвай цӀийи инсандин тӀебиат либас хьиз алукӀнава.

Гъуьлер, куь папар кӀан хьухь ва абурухъ галаз векъи жемир.

Аялар, вири крара куь диде-бубадин чӀалаз килиг, вучиз лагьайтӀа Реббидиз и кар хуш я.

Папар, Реббидиз кӀани саягъда куь итимриз муьтӀуьгъ хьухь.