Popular Bible Verses from DAGITI PROVERBIO 17

Share

Ti gayyem agayat iti amin a tiempo; ket ti cabsat nayanac a maipaay a casalisal.

Ti naragsac a puso naimbag nga agas; ngem ti siduducot nga espiritu magmaganna ti tultulang.

Ti mangabbong iti salungasing birukenna ti ayat; ngem ti mangdagdagullit iti maysa a panggep, mapaadayu dagiti nadecket a gagayyem.

Ti mangmedmed cadagiti saona addaan pannacaammo; ket ti nalamiis ti nakemna tao a mannacaawat.

Uray pay ti maag, no agulimec, maibilang a masirib; no pagcaemenna dagiti bibigna, maibilang a manakem.

Nasaysayaat ti sangcasacmul a kilabban ket cacuycuyogna ti kinatalna, ngem ti balay a napno iti panagramrambac a buyugen ti riri.

Ti pannacairugi ti riri cas la no ti maysa ibuangna ti danum; gapuna lisiam ti susic, iti sacbay ti riribuc.

Ti mangalangon iti nadangkes, ken ti mangirurumen iti nalinteg, isuda a dua agpadpadada a macarimon ken ni Jehova.