Popular Bible Verses from DAGITI PROVERBIO 18

Share

Patay ken biag addada iti pannacabalin ti dila; ket dagiti agayat kencuana canendanto ti bungana.

Ti nagan ni Jehova nabileg a sarikedked; ti nalinteg agcamang kencuana, ket maisalacan.

Ti tao a mannakigayyem la unay pacadadaelanna met laeng; ngem adda gayyem a nadecdecket ngem cabsat.

Siasinoman a macasarac iti asawa a babai macasarac iti naimbag a banag, ken magun-odna ti parabur ni Jehova.

Ti sumungbat a di pay dumngeg nga umuna, kinamaag ken pacaibabainanna.

Ti maag awanan rag-o iti pannacaawat, no saan laeng a ti panangipadlaw ti pusona.

Iti casacbayan ti pannacadadael, ti puso ti tao agpalangguad; ket iti casacbayan ti kinadayaw adda ni kinapacumbaba.