Popular Bible Verses from DAGITI PROVERBIO 16

Share

Icumitmo dagiti ar-aramidmo ken ni Jehova, ket dagiti pangpanggepmo mapasingkedandanto.

Ti puso ti tao dardarepdepenna ti dalanna, ngem ni Jehova ti mangiturong cadagiti addangna.

Dagiti nacaay-ayo a sasao arigda la rara, nasam-itda iti cararua, ket salun-at cadagiti tultulang.

Dagiti pakinakem ti puso biang ti tao; ngem ti sungbat ti dila biang ni Jehova.

Ti nabannayat nga agpungtot nasaysayaat ngem ti nabileg; ket ti macatengngel iti espirituna, nasaysayaat ngem ti mangparmec iti maysa a pagilian.

Ti kinatangsit umununa ngem ti pannacadadael, ket ti napalangguad nga espiritu casacbayan ti pannacatnag.

Amin dagiti daldalan ti maysa a tao nadalusda cadagiti matana met laeng; ngem ni Jehova gantingenna dagiti espiritu.

Ti mangicancano iti sao masaracannanto ti imbag; ket siasinoman nga agcammatalec ken ni Jehova, isu ti naragsac.

Nasaysayaat ti bassit, a cacuyogna ti kinalinteg, ngem ti adu a masapulan a cacanunong ti kinakillo.

Adda dalan a cas la nalinteg iti maysa a tao, ngem ti panungpalanna daldalan ni patay.

Ti naulpit a tao agiracurac iti ringgor; ti managarasaas mapaadayuna dagiti nadecket a gagayyem.