Popular Bible Verses from 2 Mga Hari 5

Share

Si Naaman nga pangulo sang mga hangaway sang Siria, ginatahod gid kag ginadayaw sang hari sang Siria, tungod kay paagi kay Naaman, ang GINOO nagpadaog sang mga hangaway sang Siria. Bantog sia nga hangaway, pero aruon sia.

Si Eliseo nagpadala sang iya suloguon sa pagsiling kay Naaman nga magkadto sia kag magpanghugas sang iya kaugalingon sing makapito sa Suba sang Jordan, kag magaayo sia sing bug-os sang iya aro.

Gani si Naaman naglusong sa Jordan, nagtum-oy sang iya kaugalingon sing makapito suno sa ginsiling ni Eliseo, kag nag-ayo sia sing bug-os. Ang iya panit nagtinlo kaangay sang isa ka bata.

Pero si Naaman naglakat nga naakig kag nagsiling sa iya kaugalingon, “Nagahunahuna ako nga maggwa sia kag magpangamuyo sa GINOO nga iya Dios, magbayaw sang iya kamot sa ibabaw sang akon aro kag ayuhon ako!

Ang iya mga suloguon nagkadto sa iya kag nagsiling, “Sir, kon ang propeta nagsugo sa imo sa paghimo sing mabudlay nga butang, kuntani gintuman mo ini. Karon ngaa nga indi ka na lang magpanghugas sang imo kaugalingon suno sa iya ginsiling agod mag-ayo ka?”

Isa ka adlaw nagsiling ang dalagita sa iya ama, “Maayo kuntani nga makapakigkita ang akon amo sa propeta nga nagaestar sa Samaria! Ayuhon gid sia sang iya aro.”