Popular Bible Verses from 2 Mga Hari 6

Share

Dayon nagpangamuyo sia, “O GINOO, buksi ang iya mga mata agod makakita sia!” Ang GINOO nagsabat sang iya pangamuyo, kag ang suloguon ni Eliseo nagtangla kag nakita niya ang bakulod nga napuno sang mga kabayo kag mga karwahi nga kalayo sa palibot ni Eliseo.

Si Eliseo nagsabat, “Indi ka magkahadlok! Ang nagaapin sa aton mas madamo pa sang sa nagaapin sa ila.”

Aga pa gid sang madason nga adlaw ang suloguon ni Eliseo nagbugtaw, naggwa sia sa balay kag nakita niya ang mga hangaway nga taga-Siria nga may mga kabayo kag mga karwahi nga nagakibon sang banwa. Nagbalik sia kay Eliseo kag nagsiling, “Sir, tapos na kita! Ano ang aton himuon?”

Sang magsalakay ang mga taga-Siria, nagpangamuyo si Eliseo, “O GINOO, bulaga ini nga mga tawo!” Ang GINOO nagsabat sang iya pangamuyo kag ginbulag sila.

Si Eliseo nagpamangkot, “Diin bala nayon nagtupa?” Gintudlo sang tawo ang lugar nga gintup-an kag nag-utod si Eliseo sing kahoy, ginhaboy ini sa tubig, kag naglutaw ang wasay.

Sang nagapulod sing kahoy ang isa sa ila, sa hinali ang ulo sang wasay nag-apok sa tubig. Nagsinggit sia kay Eliseo, “Sir, ano ang akon himuon? Ginhulam ko lang yadto!”

Nagsugo sia, “Kuhaa na!” Dayon gindab-ot sang tawo ini kag ginkuha.