Popular Bible Verses from 2 Mga Hari 4

Share

Nagpamangkot sia, “Ano bala ang akon mabulig sa imo? Sugiri ako, ano bala ang yara sa imo balay?” Ang balo nagsabat, “Wala gid bisan ano, luas lamang sa isa ka magamay nga tibod nga lana sang olivo.”

Ang isa ka balo nga babayi nga katapo sang grupo sang mga propeta nagkadto kay Eliseo kag nagsiling, “Sir, ang akon bana napatay! Ikaw nakahibalo nga sia isa ka tawo nga nagakahadlok sa GINOO, pero karon nag-abot ang tawo nga iya nautangan sa pagkuha sang akon duha ka mga anak nga lalaki agod mangin-ulipon bilang bayad sang utang sang akon bana.”

Si Eliseo nagsiling sa iya, “Kadto ka sa imo mga kaingod kag magpanghulam sang madamo nga mga banga nga wala sing unod.

Dayon ikaw kag ang imo mga anak nga lalaki magsulod sa balay, siraduhi ang pwertahan kag sudli sing lana ang mga banga. Ang mapuno nga sulodlan imo painon.”

Sang mapuno nila ang tanan nga mga banga, nagpamangkot sia kon may yara pa nga nabilin. Ang isa sang iya mga anak nagsabat, “Amo na lang ina ang katapusan.” Kag nag-untat ang pag-ilig sang lana sang olivo.

Nagkadto sia liwat kay Eliseo nga propeta kag si Eliseo nagsiling sa iya, “Ibaligya ang lana sang olivo kag bayari ang tanan mo nga utang, kag may mabilin pa ikaw nga kwarta nga imo mapangabuhian upod sa imo mga anak nga lalaki.”

Gani ang balo nagsulod sa iya balay upod sa iya mga anak nga lalaki, ginsiraduhan ang pwertahan, ginkuha ang magamay nga tibod nga may lana sang olivo kag nagsugod sa pagsulod sang lana sa mga sulodlan samtang ginadala ini sang iya mga anak sa iya.

Dayon ginhap-an niya ang bata, ginbutang ang iya baba sa baba sang bata, ang iya mga mata sa mga mata sang bata, kag ang iya mga kamot sa mga kamot sang bata. Samtang nagahapa sia sa bata, ang lawas sang bata nag-amat-amat init.