Popular Bible Verses from 1 Juan 4

Share

Wala sing kahadlok sa gugma. Ang himpit nga gugma nagakuha sang tanan nga kahadlok. Gani ang bisan sin-o nga nagakahadlok ang gugma wala pa mahimpit, tungod kay ang kahadlok may kaangtanan sa silot.

Pero, mga anak ko, kamo iya sang Dios, kag nadaog ninyo ang di-matuod nga mga propeta, tungod kay ang Espiritu nga yara sa inyo labi pa ka gamhanan sang sa espiritu nga yara sa ila nga iya sang kalibutan.

Nagahigugma kita, tungod kay ang Dios naghigugma sa aton sing una.

Mga hinigugma, maghigugmaanay kita, tungod kay ang gugma naghalin sa Dios. Ang bisan sin-o nga nagahigugma anak sang Dios kag nakakilala sa Dios.

Ang bisan sin-o nga wala nagahigugma wala makakilala sa Dios, kay ang Dios gugma.

Amo ini ang gugma: indi tungod kay naghigugma kita sa Dios, kundi nga ang Dios naghigugma sa aton kag nagpadala sang iya Anak agod nga paagi sa iya mapatawad ang aton mga sala.

Mga hinigugma, kon amo ini ang paghigugma sang Dios sa aton, dapat man kita maghigugmaanay.

Sa sini nga paagi ginpahayag sang Dios ang iya gugma sa aton: ginpadala niya ang iya bugtong nga Anak sa kalibutan agod nga may kabuhi kita paagi sa iya.

Kon may isa nga nagasiling, “Ginahigugma ko ang Dios,” pero nagadumot sa iya utod, butigon sia. Kay kon wala sia nagahigugma sa iya utod nga iya makita, indi sia makahigugma sa Dios nga indi niya makita.

Ang bisan sin-o nga nagatuad nga si Jesus amo ang Anak sang Dios, ang Dios nagakabuhi sa iya, kag sia nagakabuhi sa Dios.

Amo ini ang sugo nga ginhatag sa aton ni Cristo: ang bisan sin-o nga nagahigugma sa Dios dapat man maghigugma sa iya utod.

Mga hinigugma ko, indi kamo magpati sa tanan nga nagasiling nga yara sa ila ang Espiritu, kundi usisaa anay ninyo kon bala ang espiritu nga yara sa ila naghalin sa Dios. Kay madamo na ang di-matuod nga mga propeta nga naglapnag sa bug-os nga kalibutan. Sa sini nga paagi makilala ninyo kon ang Espiritu iya sang Dios: ang bisan sin-o nga nagakilala nga si Jesu-Cristo nagpakatawo, may Espiritu nga naghalin sa Dios.

Pero ang bisan sin-o nga nagapanghiwala nga nagpakatawo si Jesus, ang Espiritu sang Dios wala sa iya. Ang espiritu nga yara sa iya naghalin sa kaaway ni Cristo. Inyo nabatian nga ini nga espiritu magaabot kag yari na ini sa kalibutan.