Popular Bible Verses from 1 Juan 5

Share

May kaisog kita sa atubang sang Dios, tungod kay nagasalig kita nga nagapamati sia sa aton, kon magpangayo kita sa iya sang bisan ano nga butang nga suno sa iya kabubot-on.

Nagapamati sia kon kita magpangayo sa iya. Tungod kay nahibaluan ta nga ini matuod, nahibaluan man naton nga sia nagahatag sa aton sang aton ginapangayo sa iya.

Kay kon nagahigugma kita sa Dios ini nagakahulogan nga nagatuman kita sang iya mga sugo. Kag ang iya mga sugo indi tama kabudlay para sa aton, tungod kay ang tagsa ka anak sang Dios sarang makadaog sang kalibutan. Amo ini ang pagdaog naton sang kalibutan: paagi sa aton pagtuo.

Ang bisan sin-o nga yara sa iya ang Anak sang Dios may kabuhi, kag ang bisan sin-o nga wala sa iya ang Anak sang Dios wala sing kabuhi.

Ginasulat ko ini sa inyo, agod mahibaluan ninyo nga may kabuhi kamo nga wala sing katapusan—kamo nga nagatuo sa ngalan sang Anak sang Dios.

Nahibaluan naton nga wala sing anak sang Dios nga nagapadayon sa pagpakasala, kay ang Anak sang Dios nagaapin sa iya, kag ang Yawa indi makahalit sa iya.