Popular Bible Verses from 1 Juan 3

Share

Mga anak ko! Ang aton paghigugma kinahanglan indi lamang sa pulong ukon sa hambal, kundi kinahanglan ang matuodtuod nga paghigugma nga ginapakita sa buhat.

Sa sini nga paagi nahibaluan ta kon ano ang gugma: si Cristo naghatag sang iya kabuhi para sa aton. Gani kita man dapat maghatag sang aton kabuhi para sa aton mga kautoran!

Talupangda ninyo kon daw ano ang paghigugma sang Amay sa aton! Ang iya gugma para sa aton tama ka daku sa bagay nga ginatawag kita nga mga anak sang Dios, kag matuod gid man nga amo kita. Amo ini kon ngaa ang kalibutan wala makakilala sa aton: kay wala ini nakakilala sa Dios.

Ang bisan sin-o nga nagapadayon sa pagpakasala, iya sang Yawa, tungod kay ang Yawa nagapakasala halin pa sa ginsugoran. Tungod sini ang Anak sang Dios nag-abot sa pagguba sang mga buhat sang Yawa.

Ang bisan sin-o nga anak sang Dios wala nagapadayon sa pagpakasala, kay ang kinaugali sang Dios yara sa iya, kag tungod kay ang Dios amo ang iya Amay, indi sia makapadayon sa pagpakasala.

Kon ang isa ka tawo manggaranon kag nakita niya ang iya utod nga yara sa kinawad-on pero wala sia nagakaluoy sa iya, ano bala ang pagkasiling niya nga may paghigugma sia sa Dios?

Ang bisan sin-o nga nagatuman sang mga sugo sang Dios nagakabuhi nga nahiusa sa Dios, kag ang Dios nagakabuhi nga nahiusa sa iya. Kag nakahibalo kita nga ang Dios nagapuyo sa aton paagi sa Espiritu nga iya ginhatag sa aton.

Amo ini ang maathag nga kinatuhay sang mga anak sang Dios kag sang mga anak sang Yawa: ang bisan sin-o nga wala nagahimo sing matarong ukon wala nagahigugma sa iya utod, indi anak sang Dios.

Amo ini ang mensahe nga inyo nabatian halin sa ginsugoran: dapat kita maghigugmaanay.

Gani, mga kautoran ko, indi kamo magkatingala kon ang mga tawo sang kalibutan nagadumot sa inyo.