Popular Bible Verses from 1 Juan 2

Share

Indi ninyo paghigugmaa ang kalibutan ukon ang mga butang nga iya sang kalibutan. Kon ginahigugma ninyo ang kalibutan, wala kamo nagahigugma sa Amay. Kay ang tanan nga iya sang kalibutan—ang ginahandom sang makasasala nga kinaugali, ang ginakaibogan sang mata, kag ang tanan nga mga butang sa sining kalibutan nga ginapabugal sang mga tawo—ini sila wala nagahalin sa Amay, kundi sa kalibutan.

Ang kalibutan kag ang tanan nga mga butang nga ginahandom sang mga tawo nagataliwan, pero ang nagahimo sang kabubot-on sang Dios nagakabuhi sa walay katapusan.

ang bisan sin-o nga nagasiling nga sia nagapadayon nga nahiusa sa Dios, kinahanglan magkabuhi sia pareho kay Jesu-Cristo.

Ginasulat ko ini sa inyo, mga hinigugma ko nga mga anak, agod nga indi kamo magpakasala. Pero kon may yara gid man nga makasala, may mananabang kita sa presensya sang Amay, si Jesu-Cristo, ang matarong.

Kon may isa nga magsiling, “Nakilala ko gid sia,” pero wala sia nagatuman sang iya mga sugo, ina nga tawo butigon kag ang kamatuoran wala sa iya.

Kon kita nagatuman sang mga sugo sang Dios, ti, kita nakapat-od gid nga kilala naton sia.

Ang bisan sin-o nga nagasiling nga yara sia sa kapawa, pero nagadumot sa iya utod, yara pa sa kadudulman tubtob karon.

Sin-o karon ang butigon? Ang bisan sin-o nga nagasiling nga si Jesus indi amo ang Cristo. Ini amo ang kaaway ni Cristo, sia nga nagasikway sang Amay kag sang Anak.

Ang bisan sin-o nga nagasikway sang Anak, nagasikway man sang Amay, kag ang bisan sin-o nga nagabaton sang Anak nagabaton man sang Amay.