Popular Bible Verses from 1 Mga Taga-Corinto 2

Share

Pero suno sa ginasiling sang kasulatan, “Ang wala makit-i ukon mabatii sang tawo, ang wala ginpanghunahunai sang tawo nga matabo, amo gid ang gin-aman sang Dios para sa mga nagahigugma sa iya.”

Ang bisan sin-o nga wala sa iya ang Espiritu indi makabaton sang mga hiyas nga ginahatag sang Espiritu sang Dios. Indi gid sia makahangop sini nga mga butang kag kabuangan ini para sa iya, tungod kay mahangpan lang ang kahulogan sini sa espirituhanon nga paagi.

Pero sa aton ginpahayag sang Dios ang iya tinago paagi sa iya Espiritu. Ang Espiritu nagausisa sang tanan, bisan pa ang mga nalipdan kag ang indi matungkad nga mga tinutuyo sang Dios.

Wala kita makabaton sang espiritu nga iya sang kalibutan, kundi nakabaton kita sang Espiritu nga ginpadala sang Dios, agod nga aton mahibaluan ang tanan nga ginhatag sang Dios sa aton.

kag ang akon pagwali kag pagpanudlo indi paagi sa mahayluhon nga mga pulong sang tawhanon nga kaalam, kundi paagi sa pagpamatuod sang gahom sang Espiritu sang Dios. Gani, ang inyo pagtuo wala mapasad sa kaalam sang tawo, kundi sa gahom sang Dios.