Popular Bible Verses from Mat 24

Share

Olw'obugwenyufu okugenda nga bweyongera, bangi okwagala kwabwe kulinnyogoga. Naye aligumiikiriza okutuusa ku nkomerero alirokoka.

N'Evangili eno ey'obwakabaka eribuulirwa mu nsi yonna, ng'obukakafu eri amawanga gonna; olwo nno enkomerero n'eryoka etuuka.

Muliwulira entalo, n'eŋŋambo z'entalo. Mwekuume, temwekanganga. Ebyo tebirirema kubaawo; naye yo enkomerero eriba tennatuuka.

Kubanga eggwanga lirisitukira mu linnaalyo, n'obwakabaka mu bunnaabwo; walibaawo enjala ne musisi mu bifo ebimu; naye ebyo byonna kwe kusookereza kw'okulumwa.

Eggulu n'ensi biriggwaawo, naye ebigambo byange tebiriggwaawo.

Kubanga bangi balijja mu linnya lyange nga bagamba nti: ‘Nze Kristu,’ era baliwubisa bangi.

“Balibawaayo okubabonyaabonya ne babatta. Amawanga gonna galibakyawa olw'okubeera erinnya lyange. Bangi baliterebuka, ne balyaŋŋanamu enkwe, ne bakyawagana. Abalanzi ab'obulimba bangi balisituka ne bawubisa bangi.

Yezu n'ayanukula n'abagamba nti: “Mwekkaanye, tewabaawo abawubisa.

Nammwe nno mwetegekenga, kubanga Omwana w'Omuntu alijja mu kaseera ke mutalowooza.

Awo nno mutunule, kubanga temumanyi lunaku ki Mukama wammwe lw'alituukirako.

“Kyokka olunaku lwennyini oba akadde tewali abimanyi, newandibadde bamalayika mu ggulu, yadde Mwana, wabula Taata yekka.

Kubanga Bakristu ab'obulimba n'abalanzi ab'obulimba bagenda kusituka; balikola obubonero obunene n'ebyewuunyisa okuwubisa n'ewandibadde abalondemu, singa kiyinzika.

Ng'obudde bwa Nowa bwe bwali, bwe guliba ne mu kujja kw'Omwana w'Omuntu. Nga bwe gwali mu nnaku ezaakulembera omujjuzi: abantu baali balya, baali banywa, nga bawasa, nga bafumbiza, okutuusa olunaku Nowa lwe yayingira mu kyombo, ne batamanya, okutuusa omujjuzi lwe gwajja ne gubeerawo bonna, n'okujja kw'Omwana w'Omuntu bwe kuliba bwe kutyo.