Popular Bible Verses from Josua 6

Share

Alege Naawen a yaa weeni Josua ayen, <<M pai Jeriko tɛŋka ale ka naawa ale ka tugurik tɔŋdɔma meena a nyo fi nisima po.

Ni dan ga wom ale kaabteerɔma a peeri ba damunsaŋa yegayega basi ate nuruma meena a yaa kaari nna bɔgbɔg, tɛŋka parika a yaa le lo ate fi nuruma a yaa chali jo ka po a nak nuruma ale bo ka po la.>>

Fi ale fi tugurik tɔŋdɔma meena a cheŋ gilim tɛŋka bunyi dai yeŋ po. Ni nye dila ate ku paari daa ŋayuebi.

Basi ate kaabteerɔba bayopɔi wanyi wanyi a pai damuniŋ a dɛ dakanni niŋ. Da dii danni ale a saari ŋayopɔiwa la ni cheŋ gilim tɛŋka ku nɔi buyopɔi abe kaabteerɔma a peeri damunsaŋa.

Jeriko demma a jam lik ba tɛŋka nansuiŋtaŋa ka nna kpapi dii nyiŋla ba jam a chali ka Izirali demma yɔgsum. Ba jam kan siak ate nuru a jo tɛŋka po yaase nuru nyini ka po nyini.

Ba ale cheŋ gilim dii a saari buyopɔiwa la, kaabteerɔma a yaa peeri ba damunsaŋa yegayega ate Josua a yaa weeni nuruma ayen, <<Ni kaari. Ale Naawen a pai tɛŋka a nyo ka ni nisima po.

Ni kaasi tɛŋka ale ka jaab meena ale ka Naawen ale soa ba meena. Alege ni basi Arayab waai ale ka taabuk la ale wa yenni demma meena dii nyiŋla wa jam pai nuru baai ale jam ba kpesi nya tɛŋka la a suk kama ate ba an ko bo.