Popular Bible Verses from Roman 7

Share

Ngwə̀ ŋŋâ a mɨyàa ambo Nẅùə̀ ndàŋə̀ a ndzùmə̀ Yěsû Ndòʼnə̀mbyə̂ ɨ̀wə̀ənə̀. Lenəla, tɨ̀tsòŋə̀ wə̀, amwuə ntɨŋmə̀ mə̀, nchyə̂ mbə la àpùʼù ambo mbòomə Nẅùə̀. La amwuə mbòbə̀ mbɨ̀ŋmə̀ mə̀, mbə àpùʼù ambo mbòomə tɨ̀pòŋə̀.

Nzhyə̂ lo ka ànwùə̀ yè ɨ̀shìʼnə̀ àtse a pə e amwuə mɨ̀ŋə̀ farə amwuə mbòbə̀ mbɨ̀ŋmə̀ mə. Mbaa pə tsaʼnə ǹkòŋə̀nə a nɨ ghɨ̀rə̀ ànwùə̀ nɨ a kùʼnə̀nə la, ka mbə mə̀ nɨ ɨ̀tɨ̀ŋnə̀ a nɨ ghɨ̀rə̀ a zèrə.

Ka ǹgɨ̀rə̀ mə̀ ànwùə̀ ɨ̀shìʼnə̀ nɨ ǹtənə ntàʼà a nɨ ghɨ̀rə̀; La ǹgɨ̀rə̀ pə tɨ̀pòŋə̀ nɨ ka ǹkòŋə̀ mə̀ a nɨ ghɨ̀rə̀.

Tɨ̀tsòŋə̀ wə̀, ǹtə ngɨ̀rə̀ ànwùə̀ zhyə̀ nɨ ka ǹkòŋə̀ mə̀ lo ghɨ̀rə̀, yi ka à ghɨ̀rə̀ e mɨ̀ŋə̀. La à ghɨ̀rə̀ e tɨ̀pòŋə̀ wa nɨ à pənə amwuə mɨ̀ŋə̀ ngɨ̀rə̀ a zèrə

Lenəla, ǹtyiʼə̀ ndzəənə̀ lo la àfàʼà mbòomə lo ǹgə̀ a nɨ ghɨ̀rə̀ ànwùə̀ ɨ̀shìʼnə̀, a tô e pə tɨ̀pòŋə̀ ambo mɨ̀ŋə̀ lo ngɨ̀rə̀. Amwuə ntɨŋmə̀ mə̀, ngwə̀ ngaʼà a nɨ ghɨ̀rə̀ ànwùə̀ nɨ mbòomə Nẅùə̀ a shwəŋə̀nə.

A tə mbə zhyə̀ nɨ ngɨ̀rə̀ ànwùə̀ nɨ ka nkòŋə̀ mə̀ lo ghɨ̀rə̀, yi mbyiimə̀ lo mbòomə a pòŋə̀.