Popular Bible Verses from Roman 8

Share

Pə̀ənə̀ zhyə̂ lo Nẅùə̀ à tsùŋə̀ àzwuumə̀ àtsùmə̀ lo â pòŋə̀ la ambo pànə̀ nɨ pɨ kòŋə̀nə e; mbə pànə̀ pa nɨ à fuŋə̀nə a ghobə njiilo pobə ghɨ̀rə̀ mɨ̀nwùə̀ nɨ à lə̀ pyə̀ mə nkwàŋə̀.

Mbə̀ʼnə ǹzhyə̂nə nkǔŋə nkuŋə lo ka àzwuumə̀ àtse a pə e ghu nɨ mbə̀ʼə a ghàpə̀ a wə̀ənə̀ aŋunə ɨ̀kòŋnə̀ Nẅùə̀. Kə̀ a pə nɨ̀wɨghə̀, kə̀ nɨ̀chyə̂mbyə̂, kə̀ pəngèrə̀, kə̀ mɨ̀tɨ̀ŋnə̀ mɨ ndzùmə nɨ mɨ pənə a àtwuə̀ ɨ̀shyə̂ ghə, kə̀ mɨ̀nwùə̀ mɨ tɨ̀tsòŋə̀, kə̀ mɨ̀nwùə̀ nɨ mɨ ghǎ tô, kə̀ mɨ̀tɨ̀ŋnə̀ mɨ̀tse, kə̀ ɨ̀pwuumə̀ nɨ pèrə pənə àtɨ̀ghə a nɨ̀pwuurə̀ kə̀ pyə̀ nɨ pèrə pənə a ɨ̀sùmə ɨ̀shyə̂, kə̀ àzwuumə̀ àtsùmə̀ nɨ a pənə a àtwuə̀ ɨ̀shyə̂ ghə. Ka àzwuumə̀ àtse a àtwuə̀ ɨ̀shyə̂ ghə nɨ mbə̀ʼə a gha ngàpə̀ a wə̀ənə̀ aŋunə ɨ̀kòŋnə̀ Nẅùə̀ nɨ ɨ pənə amwuə Kristù Yěsû Ndòʼnə̀mbyə̂ ɨ̀wə̀ənə̀.

Tsaʼnə pə̀ənə̀ mənə mbyabə̀ la, lə̌ tsaʼnə Àzhwùə̀ Nẅùə̀ a zə ngyèmpə̀ a wə̀ənə̀ ntiinə pə̀ənə̀ porə̀nə. Mbə̀ʼnə ka pə̀ənə̀ zhyə̂ a wəənə̀ mɨ̀nwùə̀ nɨ mbə̀ʼə pə̀ənə̀ chàʼtə̀ a Nẅùə̀ aŋunə la. La Àzhwùə̀ Nẅùə̀ àtwuə̀ ɨ̀pɨ̀ŋmə̀ e nɨ a za nchàʼtə̀ a Nẅùə̀ àtwuə̀ nɨ pə̀ənə̀ amwuə ndwuumə̀ nɨ mbə̀ʼə ka ŋwùə̀ mɨsoŋə a zhyə̂ shwəŋə̀ e.

Pə̀ənə̀ tyiʼə̀ nshwəŋə̀ lə lo àkə aŋunə ànwùə̀ zèrə zə̀? Nẅùə̀ à tə mbəla mbə pə̀ənə̀ pɨ pobə, a wə̀ənə̀ a tyiʼə̀ mbètə̀ ɨ̀wə̌?

Pɨ̌ pòŋə̀ chyâ e ɨ̀sàʼa ɨ̀tse àtwuə̀ pànə̀ nɨ pobə pənə taʼà ŋwùə̀ pobə pɨ Kristù Yěsû apə̀

Nɨ̀tə̂ àtwuə̀ aŋunə ɨ̀pwuumə̀ nɨ mbòbə̀ mbɨ̀ŋmə̀ ɨ̀ tàʼnə à tô nɨ nɨ̀wɨghə̀. La nɨ̀tə̂ àtwuə̀ aŋunə ɨ̀pwuumə̀ nɨ Àzhwùə̀ a tàʼnə à tô nɨ nɨ̀chyə̂mbyə̂ pobə àporə̀porə̀.

Ngaŋə, aŋunə ɨ̀nwùə̀ pèrə pə ɨ̀tsùmə̀, pəə zɨghə̀ mə ntsòo ndàŋə̀ a ndzùmə̀ ze wa nɨ à lə̀ kòŋə̀nə a wə̀ənə̀ la.

Ǹdzəənə̀ lo ngəʼə̀ nɨ pə̀ənə̀ zəənə̀nə tɨ̀tsòŋə̀ ka ɨ̀ kùʼnə̀ e àghuʼtə̀ nɨ Nẅùə̀ à ghǎ nèrə̀ ambo pə̀ənə̀.

A ɨ̀wə̌ nɨ mbə̀ʼə a ghàpə̀ a wə̀ənə̀ pɨ ɨ̀kòŋnə̀ Kristù? Mbə̀ʼə lə a pə ngəʼə̀, kə̀ mɨ̀nwùə̀ mɨ tɨ̀ŋnə̀, kə̀ ntòmnə̀, kə̀ njyə̀, kə̀ àfumə̀, kə̀ nɨ̀pə a ntswùə̀ nɨ̀wɨghə̀, kə̀ nɨ̀wɨghə̀?

Ze wa nɨ à zhyə̂nə àkwàŋə̀ nɨ a pənə amwuə mɨ̀ntɨŋmə̀ pə̀ənə̀ la, à kɨ nzhyə̂ àkwàŋə̀ nɨ a pənə amwuə Àzhwùə̀, ntiinə Àzhwùə̀ a za nchàʼtə̀ a Nẅùə̀ àtwuə̀ nɨ pànə̀ pɨ Nẅùə̀ amwuə ndwuumə̀ nɨ Nẅùə̀ à tàʼnə.

Pànə̀ pɨ̀tsùmə̀ nɨ pobə pa nchyə̂ tsaʼnə Àzhwùə̀ Nẅùə̀ a tàʼnə, la ɨ̀poonə̀ pɨ Nẅùə̀.

Pànə̀ nɨ pɨ chyə̂nə pə tsaʼnə mbòbə̀ mbɨ̀ŋmə̀ ɨ̀ tàʼnə tə̂ ɨ̀twuə̀ ɨ̀pobə la aŋunə ɨ̀nwùə̀ nɨ mbòbə̀ mbɨ̀ŋmə̀ ɨ̀ tàʼnə. La pànə̀ nɨ pobə chyə̂nə pə tsaʼnə Àzhwùə̀ a tàʼnə tə̂ ɨ̀twuə̀ ɨ̀pobə la aŋunə ɨ̀nwùə̀ nɨ Àzhwùə̀ a tàʼnə.

Ka Nẅùə̀ à lə yìʼtə̀ e a moonə̀ e, la ŋŋâ e lo â tô nkwɨghə̀ àtwuə̀ pə̀ənə̀ pɨ̀tsùmə̀, mbə̀ʼə a kɨ ka tyiʼə̀ ŋâ e a wə̀ənə̀ nɨ ɨ̀pwuumə̀ pɨ̀noʼnə kẅìʼnə̀ aŋunə moonə̀ e wə̀?

La Àzhwùə̀ Nẅùə̀ àtwuə̀ ɨ̀pɨ̀ŋmə̀ e nɨ a pwuutə̀nə pobə pɨ àzhwùə̀ àzəənə̀ a nɨ shwəŋə̀ lo pə̀ənə̀ la ɨ̀poonə̀ pɨ Nẅùə̀. Tsaʼnə pə̀ənə̀ chyə̂nə mbə ɨ̀poonə̀ ɨ̀pe la, pə̀ənə̌ pwuutə̀ pə̀ənə̀ pɨ Kristù a nɨ pə nɨ ɨ̀pwuumə̀ nɨ Tǎ à nùŋə̀nə ambo ɨ̀poonə̀ ɨ̀pe, mbə̀ʼə pə̀ənə̀ mə ndzəənə̀ ngəʼə̀ tsaʼa Kristù, njiilo pə̀ənə̀ kɨ mbə nɨ àghuʼtə̀ e.

Lenəla, ŋwùə̀ mɨsoŋə ǎ tyiʼə̀ pə ngàŋə̀ mbwùunə̀ Nẅùə̀ nɨ à tə̂nə àtwuə̀ pə aŋunə ɨ̀pwuumə̀ nɨ mbòbə̀ mbɨ̀ŋmə̀ ɨ̀ tàʼnə, ntiinə ka à zuʼnə̀ e a mbòomə Nẅùə̀; a tyìʼə̀ nkǔŋə nkuŋə mbə̀ʼə a zuʼnə̀ e apə̀.

Ɨ̀pwuumə̀ pa ɨ̀tsùmə̀ nɨ Nẅùə̀ à lə̀ tsùŋə̀nə pə mbyabə̀ a nɨ zəənə̀ njyə̂ za nɨ Nẅùə̀ à ghǎ nèrə̀ ɨ̀poonə̀ ɨ̀pe a sàŋə̀ nɨ ntɨŋmə̀ ɨ̀ghobə ɨ̀tsùmə̀.

Pə̀ənə̀ zhyə̂ lo ɨ̀pwuumə̀ nɨ Nẅùə̀ à tsùŋə̀nə pyə̀ mmə nchwùunə̀ amwuə àndzaŋə tsaʼa mə̀ngyə̌ nɨ à kòonə a moonə̀ tə mbyàa tɨ̀tsòŋə̀.