Popular Bible Verses from Roman 6

Share

Mbə̀ʼnə àpìi ànwùə̀ tɨ̀pòŋə̀ a nɨ̀wɨghə̀, la àzwuumə̀ nɨ Nẅùə̀ à wa ŋŋâ àfǐfǐ a pə nɨ̀chyə̂mbyə̂ wa nɨ à ghoŋə̀nə nɨ nkuŋə̀ ndàŋə̀ a ndzùmə̀ Kristù Yěsû Ndòʼnə̀mbyə̂ ɨ̀wə̀ənə̀.

Mbə̀ʼnə tɨ̀pòŋə̀ a laʼa mbə e nɨ mɨ̀tɨ̀ŋnə̀ a nɨ puʼtə̀ a wɨghə apə̀, ntiinə ka nɨ̀ pə wɨghə a ɨ̀sùmə mbòomə; nɨ̀ chyə̂ pə a ɨ̀sùmə àpòŋə̀ ntɨŋmə̀ Nẅùə̀.

Lenəla nkwùə̀ nɨ pə̀ənə̀ lə̀ kẅiirə̀nə nchyə, pɨ lə̀ tẅəŋə̀ a wə̀ənə̀ pɨ pobə amwuə nɨ̀wɨghə̀ e. Tyìʼə̀ tsaʼnə pɨ lə̀ pə̀ʼkə̀nə a Kristù aŋunə nɨ̀wɨghə̀ ndàŋə̀ a ndzùmə̀ mɨ̀tɨ̀ŋnə̀ mɨ Tǎ mɨ̀ẅùunə la, mbə̀ʼə pə̀ənə̀ kɨ nchyə̂ a nɨ̀chyə̂mbyə̂ ghù shwuə̀.

Kò nɨ̀ myàʼtə̀ a wɨghə alaamə mbɨ̀ŋmə̀ àzɨghə yètse ambo ɨ̀nwùə̀ tɨ̀pòŋə̀ a tyiʼə̀ mbə tsaʼa àzwuumə̀ àfàʼà ntɨŋmə̀ ghù shyə. Nɨ̀ ŋâ mbɨ̀ŋmə̀ ɨ̀zɨghə ambo Nẅùə̀ tsaʼa pànə̀ nɨ pɨ fuukə̀ mə a ghobə amwuə nɨ̀wɨghə̀ pobə kwuunə̀ amwuə nɨ̀chyə̂mbyə̂. Nɨ̀ ŋâ ɨlaamə mbɨ̀ŋmə̀ ɨ̀pɨghə ambo Nẅùə̀ mbə̀ʼə a lòo aŋunə ɨ̀pwuumə̀ àfàʼà mɨ̀nwùə̀ mɨ təəmə̀nə.

Pə̀ənə̀ zhyə̂ lo pɨ lə̀ kẅùumə̀ mbɨ̀ŋmə̀ ɨ̀zəənə̀ yɨ̀ ndwùnə̀ aŋunə àtɨ̀ghə pànkə̀nə pə̀ənə̀ pɨ Kristù, ntsə̀ŋə̀ mbɨ̀ŋmə̀ tɨ̀pòŋə̀ za lo mbə̀ʼə pə̀ənə̀ kaŋə chi pə ɨ̀pùʼù ɨ̀nwùə̀ tɨ̀pòŋə̀.

Nɨ ndwuumə̀ wə̀, nɨ̀ shaŋə̀ ɨ̀pɨ̀ŋmə̀ ɨ̀wɨghə lo nɨ kwɨghə̀ mə amwuə tɨ̀pòŋə̀, ntyiʼə̀ nkɨ mbə pɨ̀tɨ̀ŋnə̀ pɨghə pɨ Nẅùə̀ ndàŋə̀ a ndzùmə̀ Kristù Yěsû.

Pə̀ənə̀ tyiʼə̀ nshwəŋə̀ lə lo àkə? Lo pə̀ənə̀ làŋə̀ nɨ mbyə̀ ntə ngɨ̀rə̀ a tɨ̀pòŋə̀ mbə̀ʼə àpòŋə̀ ntɨŋmə̀ Nẅùə̀ â kẅìʼnə̀ ndèrə̀ nɨ mbyə̀. Mbə̀ʼə a pə e a lenə apə̀! Pə̀ənə̀ kwɨghə̀ ngwaʼà a tɨ̀pòŋə̀, mbə̀ʼə pə̀ənə̀ chi ndàŋə̀ nɨ mbyə̀ nchi nchyə̂ amwuə tɨ̀pòŋə̀ lə ɨla?

Ka nɨ̀ zhyə̂ a wɨghə lo nɨ̀ tə ŋâ mbɨ̀ŋmə̀ ɨ̀zɨghə ambo ŋwùə̀ ndzuʼnə̀ e, nɨ̀ tyiʼə̀ la ɨ̀pùʼù ambo ze? Nɨ̀ ŋâ ɨ̀pɨ̀ŋmə̀ ɨ̀wɨghə ambo tɨ̀pòŋə̀ a tô nɨ nɨ̀wɨghə̀, kə̀ ambo nɨ̀zuʼnə̀ a ghɨ̀rə̀ mɨ̀nwùə̀ ɨ̀mɨghə təəmə̀ a mbyə̀ Nẅùə̀.

La mɨyàa ambo Nẅùə̀ ntiinə pɨghə pa nɨ nɨ̀ lə̀ pə mə nkwùə̀ ɨ̀tse mbə ɨ̀pùʼù ɨ̀nwùə̀ tɨ̀pòŋə̀ la; nɨ̀ tyiʼə̀ ndzuʼnə̀ ɨ̀nwùə̀ pa nɨ pɨ lə̀ nèrə̀nə a wɨghə la nɨ ntɨŋmə̀ ɨ̀wɨghə ɨ̀tsùmə̀. Lenəla, pɨ kyàatə̀ mə mɨnkɨrə mɨ mɨ̀nwùə̀ mɨ tɨ̀pòŋə̀ aŋunə pɨghə nɨ̀ tyiʼə̀ ɨ̀pùʼù ambo mɨ̀nwùə̀ mɨ təəmə̀nə.